O'smirlarimiz bu safargi Osiyo chempionatida qanday natija ko'rsatishadi?
03 sen 2014 09:00
Yangiliklar

O'smirlarimiz bu safargi Osiyo chempionatida qanday natija ko'rsatishadi?

6 sentyabr kuni Tailandda o'smirlar o'rtasidagi hisob bo'yicha 16-Osiyo chempionati boshlanadi.

Unda Aleksandr Mochinov boshchiligidagi O'zbekiston o'smirlar terma jamoasi ham ishtirok etadi.

2012 yil Eronda tashkil etilgan o'smirlar o'rtasidagi OCHda Dilshod Nuraliev boshchilik qilgan O'zbekiston qitada tengsiz bo'la olgandi. SHu bois bu safargi musobaqaga biz amaldagi Osiyo chempioni sifatida boramiz.

SHu kungacha o'smirlarimiz 7 marta ushbu musobaqada ishtirok etishgan. Uch marta jamoamiz saralashdan o'ta olmagan. Yana shuncha marta Osiyo chempionati guruh bosqichi biz uchun so'nggi manzil bo'lib qolgan.

Bir bor chorak, ikki bor yarim finalga chiqilgan. 2010 yil Toshkentda bo'lib o'tgan Osiyo chempionatida Aleksey Evstafeev boshchiligidagi o'smirlarimiz finalga qadar etib borib KXDRga yutqazib qo'yishgan. 2012 yil Tehronda yuqorida yozilganidek Dilshod Nuraliev shogirdlari Osiyo chempioni bo'lishgan.

Tailanddagi musobaqada Aleksandr Mochinov boshchiligidagi o'smirlarimiz qanday natija ko'rsatishar ekan?

1994 yil - Guruhda qolib ketgan
1996 yil - Guruhda qolib ketgan
1998 yil - Osiyo chempionatiga chiqa olmagan
2002 yil - Yarim final
2000 yil - Osiyo chempionatiga chiqa olmagan
2004 yil - Guruhda qolib ketgan
2006 yil - Osiyo chempionatiga chiqa olmagan
2008 yil - CHorak final
2010 yil - Final
2012 yil - CHempion
2014 yil - ?

Havola :

Manba : championat.asia

Yangiliklarni Telegramda o'qing!

Reyting: