Osiyo xabari. Vuchinich “Al Jazira”ga o'tganidan xursand

“Roma”, “Yuventus” kabi Italiyaning kuchli klublarida o'ynagan Vuchinich yaqinda BAAning “Al Jazira” klubi bilan shartnoma tuzdi.

Malumki, “Al Jazira” Osiyo chempionlar ligasi pley-off bosqichidan o'ta olmadi. SHu bois klub rahbariyatining bor umidi yangi mavsumdan. Jamoa o'z tarkibini kuchaytirib olish maqsadida chernogoriyalik hujumchi bilan shartnoma tuzdi. Vuchinich matbuotga bergan intervyusida BAAga kelganidan mamnun ekanligini bildirdi:

“Avvalo meni taklif etgani uchun “Al Jazira” rahbariyatiga minnatdorchilik bildiraman. Men bu erda yangiman, shunday ekan bor kuch bilan harakat qilib muxlislar ishonchini oqlayman. Muzokaralar uzoq davom etgani yo'q, chunki men klub va uning tarixi haqida bilardim. Yangi jamoam bir necha yildan beri sovrinlarsiz qolib ketmoqda, nasib qilsa bu mavsum bunga chek qo'yamiz. Oktyabrda 31ga to'laman, hozir o'zimni juda yaxshi his qilyapman”.