Osiyo o'yinlari g'olibi 48 yoshga to'ldi
28 jan 2017 13:32
Yangiliklar

Osiyo o'yinlari g'olibi 48 yoshga to'ldi

Bugun 28 yanvar sanasida sobiq futbolchi Rustam Do'rmonovning tavallud ayomi.

1969 yil Termiz shahrida tug'ilgan Rustam CHorshanbievich Do'rmonov futbolchilik faoliyatini "Surxon" klubida boshlagan. Keyinroq "Neftchi", "Paxtakor" va "Navbahor" kabi O'zbekistonning kuchli klublari sharafini himoya qilgan.

"Neftchi" klubi safida 4 marta O'zbekiston chempioni bo'lgan va 2 bor O'zbekiston kubogini qo'lga kiritgan. 1993 yil O'zbekiston chempionatida 26ta gol bilan mavsum to'purari bo'lgan.

Rustam Do'rmonov terma jamoa safida 14ta o'yin o'tkazib 2ta gol urgan. 1994 yil O'zbekiston terma jamoasi tarkibida Xirosimada o'tgan Osiyo o'yinlari g'olibi bo'lgan.

"Neftchi" klubi rahbariyati va jamoa azolari Rustam Do'rmonovni bugungi tug'ilgan kuni bilan muborakbod etadi.

Havola :

Manba : championat.asia

Yangiliklarni Telegramda o'qing!

Reyting: +6