Osiyo Kubogi. Rashidovda eng ko'p zarba, Nesterovdan 10ta seyv
24 jan 2015 13:00
Yangiliklar

Osiyo Kubogi. Rashidovda eng ko'p zarba, Nesterovdan 10ta seyv

Avstraliyada davom etayotgan Osiyo Kubogining 28ta o'yini ortda qoldi.

Hozirga qadar bo'lib o'tgan 28 uchrashuvda jamoalar jami 73ta gol urishdi.

Avstraliya to'rtta o'yinda 10ta to'p kiritdi. Ummon, Quvayt va Falastin musobaqa davomida bittadan gol urishdi.

Bugunga qadar jami futbolchilar 243 marta aniq zarba berishdi. 303 bor zarba noaniq ko'rinish oldi. O'zbekiston terma jamoasi musobaqa davomida jami 17 marta aniq, 24 marta noaniq zarba berdi. Terma jamoamiz safida eng ko'p zarbani Sardor Rashidov berdi - 8ta. Musobaqa davomida eng ko'p zarbani yaponiyalik Keysuke Xonda berdi - 17 marta.

Darvozabonlar 168 marta berilgan zarbadan so'ng to'pni qaytarishdi. Ignatiy Nesterov to'rtta o'yinda jami 10ta seyv qildi. Bu borada Majid Nosir birinchi o'rinda. BAAlik posbon to'rtta o'yinda 17 marta seyv qildi.

Hakamlar dastlabki bugunga qadar jami 100 marta sariq va 4 bor qizil kartochkani ishga solishdi. O'zbekiston terma jamoasi safida Anzur Ismoilov va Vitaliy Denisov ikki martadan ogohlantirildi.

Narzulla Saydullaev

Havola :

Manba : championat.asia

Yangiliklarni Telegramda o'qing!

Reyting: