Osiyo Kubogi: Bahrayn terma jamoasi

Bahrayn terma jamoasi oxirgi yillarda o'sishga erishgan jamoalardan biri sanaladi. 2000-yillarning boshigacha bu jamoa autsayderlar qatorida tilga olinardi. Lekin terma jamoa o'z nufuzini o'rtamiyona darajaga olib chiqdi. Hozircha birorta yirik muvaffaqiyatga erishmagan. Eng yaxshi natija Osiyo Kubogida 2004 yil yarim finalga chiqilgani bo'lib turibdi. Jahon chempionatiga final bosqichiga chiqish uchun ikki marta qitalararo pley-offda mag'lubiyatga uchragan. Trinidad va Tobago hamda Yangi Zelandiya Bahrayndan mundial yo'llanmasini tortib olgan. Adnan Hamad o'rniga yaqindagina Marjon Eid bosh murabbiy etib tayinlandi. 35 yoshli murabbiy qanday natijaga erishishini bir necha kunlardan keyin bilib olamiz.



Bahrayn terma jamoasi
Laqabi: “Al Ahmar” (“qizillar”)
Bosh murabbiyi: Marjon Eid
Eng ko'p o'ynagan futbolchi: Salmon Isa (156)
To'purari: Ismoil Abdullatif (33)
FIFA reytingida o'rni: 122
Birinchi uchrashuvi: Quvayt – 4:4 (Iroq, 1966 yil 2 aprel)
Eng yirik g'alabasi: Indoneziya – 10:0 (Bahrayn, 2012 yil 29 fevral)
Eng yirik mag'lubiyati: Iroq – 1:10 (Iroq, 1966 yil 5 aprel)
Osiyo Kubogida 4 marta ishtirok etib, 2004 yil yarim finalga etib kelgan.

Bosh murabbiy vazifasini mahalliy mutaxassis Marjon Eid bajarib kelmoqda. 2006 yli jarohat tufayli futbolchilik faoliyatini erta tugatgan Eid o'shandan buyon Bahrayn terma jamoasi shtabida faoliyat ko'rsatib kelyapti. Yosh murabbiy qo'l ostida jamoa tayyorgarlik jarayonida yaxshi natijalarni qayd etdi. SHu tufayli uning qanday o'zgarishlarga qo'l urishini kuzatish ko'pchilik uchun qiziq bo'ladi.



Marjon Eid
Tug'ilgan sanasi: 12.05.1979
Tug'ilgan joyi: Riffa, Bahrayn
Futbolchilikdagi poziciyasi: himoyachi
O'ynagan jamoalari: 1997–2006 “Al Riffa”.
Boshqargan jamoalari: 2007–2010 Bahrayn terma jamoasi (yordamchi), 2010 Bahrayn terma jamoasi (vaqtinchalik), 2013–2014 Bahrayn terma jamoasi (yordamchi), o'tgan yilning dekabr oyidan bosh murabbiy.

“Qizillar”ning asosiy o'yinchilari deb darvozabon Said Jafar, himoyachi Muhammad Husayn, Hussayn Ali Bobo, yarim himoyachi Fauzi Aaish, hujumchilar Ismoil Abdullatif va Jeysi Jonni ko'rsatish mumkin. Ular anchadan beri terma jamoada o'ynab kelishmoqda hamda futbolchilarni o'z ortidan ergashtirishlari mumkin.

Darvozabonlar
1. Said Jafar	54	0	Muharraq
21. Hamid Dosari	1	0	Riffa
22. Ashraf Vohid	0	0	Manama
Himoyachilar
2. Muhammad Husayn	71	6	Al Nasr, Saudiya Arabistoni
3. Volid Hayam	8	0	Muharraq
5. Abdulla SHalal	1	0	Riffa
6. Abdulla Yosir	5	0	Muharraq
13. Abdulla Hazaa	13	0	Hidd
17. Hussayn Ali Bobo	71	1	Muharraq
18. Muhammad Mahorfi	12	0	Riffa
23. Rashid Hut	2	0	Riffa
Yarim himoyachilar
4. Said Said	16	4	Riffa
7. Abdulvahob Safi	36	1	Al Qadisiya, Saudiya Arabistoni
8. Said Ahmad	9	0	Busaytin
9. Abdulvahob Malud	15	1	Hidd
12. Fauzi Aaish	59	16	Al Sailiya, Qatar
15. Abdulla Omar	6	0	Riffa
Hujumchilar
10. Muhammad Toib Alavi	10	5	Riffa
11. Ismoil Abdullatif	61	29	Muharraq
14. Jeysi Jon	45	21	Al Mesaimir, Qatar
16. Abdulla Hilol	0	0	Ist Riffa
19. Faysal Abudahum	0	0	Ist Riffa
20. Sami Husayni	20	2	Busaytin

Behzod Nazarov tayyorladi