Osiyo Kubogi-2019. O'zbekiston terma jamoasining yakuniy tarkibi qachon elon qilinadi?

Bir qator terma jamoalar ushbu turnir uchun kengaytirilgan va yakuniy tarkiblarini elon qilib borishmoqda.

Osiyo Kubogi reglamentiga binoan har bir terma jamoa musobaqaga qadar kengaytirilgan ro'yxatini elon qilishi lozim. Kengaytirilgan ro'yxatda kamida 18, maksimum 50 nafar futbolchi bo'lishi kerak.

Yakuniy ro'yxat esa o'sha jamoaning Osiyo Kubogidagi birinchi o'yinidan 10 kun avval elon qilinishi shart. Yakuniy ro'yxatda kamida 18, maksimum 23 nafar futbolchi bo'lishi kerak. Ulardan 3 nafari darvozabon bo'lishi shart.

Agar yakuniy ro'yxatdan joy olgan futbolchi jiddiy jarohat olsa uni o'sha jamoaning Osiyo Kubogidagi birinchi o'yini boshlanishiga 6 soat qolgunicha boshqa futbolchi bilan almashtirish mumkin.

O'zbekiston terma jamoasi Osiyo Kubogidagi ilk uchrashuvni 9 yanvar kuni Ummonga qarshi o'tkazadi. Demak, Ektor Kuper uzog'i bilan 31 dekabr kuni yakuniy ro'yxatni elon qilishi kerak.