Osiyo Kubogi-2019. Avstraliyaga Aaron Muy kerak

Malumki, Avstraliya Osiyo chempionatining amaldagi g'olibi hisoblanadi. Terma jamoaning asosiy futbolchisi Aaron Muy o'tgan hafta jarohat oldi. Ushbu yarim himoyachi Angliyaning "Xaddersfild" klubi vakili hisoblanadi hamda "Arsenal" bilan kechgan bahsda o'ng tizzasini shikastlab oldi.

SHundan so'ng uning fevral oyiga qadar maydonga tusha olmasligi haqida gaplar tarqaldi. Bunga esa Avstraliya terma jamoasi ustozi Grexem Arnold o'z munosabatini bildirdi.

"Biz shu zahoti "Xaddersfild" bilan bog'landik. Ulardan futbolchimizning holati haqida so'radik. Biz Osiyo Kubogidek muhim musobaqa oldidan asosiy etakchimizni yo'qotishni xohlamaymiz va Aaron jarohatidan tuzalib safga qaytishi uchun bor imkoniyatni ishga solamiz. Lekin eng muhim narsa bu sog'lik, shunday ekan hozircha kutishga majburmiz. 21 dekabr kuni futbolchi tibbiy ko'rikdan o'tadi. SHundan so'ng hammasi aniq bo'ladi", - deydi "sokkeruzlar" bosh murabbiyi.