Osiyo futboli. Mark Vilmots Eronni boshqaradimi?

Osiyo Kubogi yakuniga etganidan beri oradan uch oy o'tdi hamki Eron terma jamoasiga yangi bosh murabbiy tayinlangani yo'q. Bu esa muxlislarni yanada xavotirga solyapti. 

Mahalliy nashrlarda yozilishicha, terma jamoaning navbatdagi ustozi Mark Vilmots bo'ladi. Eron futbol federaciyasi rahbari Mehdi Taj Turkiyaga borib Vilmots bilan ko'rishdi deb yoziladi xabarda. Malum bo'lishicha, belgiyalik mutaxassis yiliga 1 yarim million dollar maosh so'rayapti. 

Agar ushbu summa Eron FFni qoniqtirsa Mark Vilmots terma jamoada ish boshlaydi. Unga mahalliy yosh murabbiylardan Javod Nekunam yordam beradi. Malumot uchun, Vilmotsning oxirgi ish joyi Kot-D'Ivuar termasi bo'lib, 2017 yil noyabr oyidan beri ishsiz hisoblanadi.