O'rtoqlik uchrashuvi. O'zbekiston - "Metallurg" 2:1
24 iyu 2014 19:59
Yangiliklar

O'rtoqlik uchrashuvi. O'zbekiston - "Metallurg" 2:1

Osiyo o'yinlarida ishtirok etuvchi O'zbekiston terma jamoasi "Metallurg" bilan o'rtoqlik uchrashuvini o'tkazdi.

O'zbekiston - "Metallurg" 2:1

Gollar: Azim Ahmedov (64), Dilmurod Karimov (71), Igor Sergeev (90).

O'zbekiston: Eldor Suyunov, Salim Mustafoev, Egor Krimec, Bobur Yo'ldoshev, Azamat Isroilov, Dilshod Jo'raev, Vladimir Kozak, Jamshid Iskanderov, Sardor Rashidov, SHahzod Nurmatov, Navro'z Olimov.

Zaxiradan maydonga tushganlar: Akbar Ismatullaev, Sardor Raxmonov, SHerzod Fayziev, Diyor Turopov, Azim Ahmedov, Farruh Sayfiev, Alibobo Rahmatullaev, Pavel Smolyachenko, Sardor Mirzaev, Igor Sergeev, Javlon Mirabdullaev.

“Metallurg”: Mamur Ikromov, Davron Karimqulov, Doniyor Odilov, Hikmat Hoshimov, Mirg'iyos Sulaymonov, Dilmurod Karimov, Alisher Ziyovuddinov, Sunnatillo Mamadaliev, Murod Toshmatov, SHohnazar Norbekov, Zohid Abdullaev.
Zaxiradan maydonga tushganlar: Maruf Murodov, Saidkomil Akbarov, SHuhrat Yo'ldoshev, Mirto'ra Akbarov.

MATNLI TRANSLYACIYA
YANGILASH

O'yin tugadi!

Gooool! Diyor Turopovning jarimadan etkazib bergan to'piga Igor Sergeev bosh bilan zarba berdi va hisobni 2:1ga keltiri.

Maruf Murodov o'ng qanotan qulay vaziyatga chiqib bordi va Eldor Suyunov darvozasi tomon zarba yo'lladi. Ammo uning tepgan to'pi biroz noaniq ketdi. Xavfli vaziyat!

Igor Sergeevning bosh bilan bergan zarbasiga aniqlik etishmadi. Hisob o'zgarishi mumkin edi.

Goool! Dilmurod Karimovning jarima yo'llagan zarbasi darvozadan o'rin oldi, 1:1.

Goool! Azim Ahmedov o'zining aniq zarbasi bilan Mamur Ikromov darvozasini ishg'ol etdi.

"Metallurg" jamoasi darvozasi oldida bir qator xavfli vaziyatlar tashkil etildi. Farruh Sayfievning yo'llagan kuchli zarbasini Mamur Ikromov qaytarib qoldi.

Eldor Suyunovdan boshqa barcha futbolchilar almashtirildi.

Ikkinchi bo'lim boshlandi.

Ikkinchi bo'limda O'zbekiston terma jamoasi yangilangan tarkibda maydonga tushadi.

Tanaffus!

Uchrashuvning birinchi bo'limida hisob ochilmadi. Birinchi bo'limni Mirjalol Qosimov shogirdlari kichik ustunlik bilan o'tkazishdi. SHahzod Nurmatov hamda Navro'z Olimovda gol urish uchun vaziyatlar yuzaga keldi. Ammo "Metallurg" posboni Mamur Ikromov ishonchli harakat qildi va jamoasini muqarrar goldan qutqarib qoldi. Bekobodlik futbolchilar ham Eldor Suyunov darvozasi oldida vaziyatlar yarata olishdi. Lekin Suyunov bu vaziyatlarda o'z darvozasini munosib himoya qila oldi.

- O'yin soat 19:00da "Jar" stadionida boshlanadi.