Orif Mamatkazin: "Kuchli jamoadan ochko olishga erishdik"

- Avvalo yigitlarning bugungi ko'rsatgan o'yini uchun minnatdorchiligimni bildirmoqchiman, ular bugun bor imkoniyatlari darajasida harakat qilishdi. Nima bo'lganda ham, biz bugun chempionat peshqadamidan ochko olishga erishdik.
 
“Nasaf” jamoasi balki bugun bizdan shunday o'ynashimizni kutmagandir, ammo ular ham bugun o'zlarining eng chiroyli o'yinlaridan birini namoyish etdi deb, hisoblayman.
 
Albatta har bir o'yinda ochko olishni juda hohlaymiz, bugun ham ana shu maqsadda maydonga tushgan edik, ammo raqibni bilasizlar qanday salohiyatga ega ekanligini. Nima bo'lganda ham biz hali kurashni davom ettiramiz.
 
“Andijon” nega kuchli jamoalar bilan kuchli o'yin namoyish etadi? Bunga sabab, futbolchilar ham doimo raqibga qarab, o'yinga tayyorlanishadi. Yani raqib kuchli bo'lsa, ularda ana shu raqibni mag'lub etishda ishtiyoq kuchliroq bo'ladi. Bu futboldagi yaxshi holat deb, hisoblayman. Futbolda yana shu narsa borki, mana shunday kuchli jamoalar raqibini ham o'ziga nisbatan kuchliroq o'ynashga chorlaydi.
 
Anvar Berdiev nega ko'rinmayapti? Unda jarohat bor yana Bobojonov va Akbarovlar o'tgan o'yinda raqibiga qilgan qo'polligi uchun maydondan chetlatilgan edilar. Albatta bu futbolchilarning bizga yordam bera olmayotgani – biz uchun katta yo'qotish.