Orif Mamatkazin: "Andijon" ikkinchi davrada mazmunli o'yin namoyish etadi"

- Birinchi bo'limda yaxshi o'ynadik, darvozamiz dahlsizligini saqlab qoldik. Ikkinchi bo'limda birinchi bo'lib gol ham urdik. Ammo ikkinchi bo'limda jamoamizga nimadir etishmadi. Qolaversa, jamoamiz ellik foizga yangilandi, futbolchilarimizning bir-birlarini tushunib olishiga ozroq vaqt kerak bo'ladi. Albatta, “Nasaf” jamoasini bugungi g'alaba bilan tabriklayman, istardimki jamoa bu yil ham finalga chiqsa va ajoyib natijani qo'lga kiritsa. Oldingi o'yin bilan qanday farq bor? Ko'rinib turibdiki, “Nasaf” tarkibida paydo bo'lgan o'yinchilar bugun o'zlarini ko'rsatishdi. Yangicha o'yin namoyish etishdi. Ularni bir-birlarini tushunishlari, faol harakatlari yaqqol ko'rinib turdi.
 
“Andijon” jamoasi oldida yuqoriroq o'rinni egallash turibdi. Bunga kuchimiz etadi. Oldimizga qo'yilgan maqsadni amalga oshirishimiz shart. O'ylaymanki, jamoamiz ikkinchi davrada mazmunli o'yinlar ko'rsatib, o'z maqsadiga erishadi. Bu yil kim kubok sohibi bo'ladi? Fikrimcha, bu yil ham “Nasaf” kubokni egallaydi.