O'quvchilarimiz saytimizning eng yaxshilarini aniqlashdi

O'quvchilarimiz "championat.asia"ning eng yaxshi jurnalisti, loyihasi, maqolasi, intervyusi, yangiligi va o'quvchisi kabi nominaciyalarda o'z ovozlarini berishdi. 

"Qazayaqli_Adilbay_0808" boshchiligida natijalarni hisoblab chiqdik. Unga ko'ra barcha g'oliblar aniqlandi.

Eng yaxshi jurnalist yo'nalishida Xayrulla Xoliqov 40 ochko to'plab g'olib bo'ldi. Keyingi o'rinni Behzod Nazarov egallagan bo'lsa Narzulla Saydullaev uchinchi bo'ldi. Bu yo'nalishda g'olib bo'lgan Xayrulla Xoliqov barcha hamkasblari uchun bayram dasturxonini tuzaydi.

Xayrulla Xoliqov 40
Behzod Nazarov 30
Narzulla Saydullaev 25
Islombek Rustambekov 18
Humoyun Dovurov 13
Abror Qodirov 8
Baxtiyor SHirinov 4
Tolibjon Qosimov 4
Miraziz Murodov 4

O'quvchilar eng yaxshi maqola deb “Nodirxo'ja Yuldashevdan, Ahmedov manziliga...” nomli maqolani tanlashdi. Keyingi o'rinda esa “Tur de Dubay yoxud vijdon...” nomli maqola qayd etildi.

Eng yaxshi loyiha yo'nalishida birdaniga ikki loyiha birinchi o'rinni oldi. “FIFA.UZ” va “Muxlis minbari” o'quvchilar tomonidan yilning eng yaxshi loyihalari deb topildi. Faxrli uchinchi o'rinni esa har chorshanba kuni bo'lib o'tayotgan “Zukko muxlis” tanlovi egalladi. Ovozlar orasida “Aleks Fergyuson avtobiografiyasining tarjimalari” va “Kecha,bugun,ertaga” loyihasi ham borligini takidlash lozim.

Saytning “championat.uz”dan “championat.asia”ga o'zgarishini o'quvchilarimiz yil yangiligi deb topishdi. SHuningdek yil yangiligi sifatida sayt xodimlarining xorijdagi musobaqalarni yoritishlari, saytda birinchi liganing onlayn tarzda yoritib borilgani va mobil versiyaning qulaylashtirilganini ham qayd etib o'tishgan.

Ko'pchilik ovoz bilan Noil Gubanovning intervyusi saytda chiqqan eng yaxshi intervyular orasida birinchi bo'ldi. Keyingi o'rinlarda Yaponiya o'smirlar terma jamoasi bosh murabbiyidan olingan intervyu, Mirjalol Qosimovdan olingan intervyu, Farhod Magometovdan olingan intervyu, Islombek Rustambekov tomonidan birinchi liga vakillaridan olingan intervyular qayd etilishdi.

Ko'pchilikning fikriga ko'ra saytda “Oltin to'p” va “Yil murabbiyi” so'rovnomasining o'tishiga sababchi bo'lgan “FK DAVR” saytimizda eng yaxshi o'quvchi deb topildi. “Qazayaqli_Adilbay_0808”, “KANIMEX”, “Zohid”, “Ikroman_uz” va “Masha va Medved” kabi o'quvchilarimizga ham ovozlar berishgan. 

 

Saytimizda o'quvchilar bilan birgalikda tashkil etiladigan loyihalarimiz davom etaveradi. Istalgan o'quvchi o'z loyihasini "asia@championat.asia" elektron manziliga yuborishi mumkin. Ular orasida tahririyatga maqul kelgani amalga oshiriladi.