So’nggi yangiliklar

10:10Кайо Лукас: "Ўзбекистонга қарши ўйинга тўлиқ тайёрмиз"  0 10:00Пролига. Бугун 7-тур якунланади  0 09:33Луис Энрике ушбу натижага эришган тарихдаги иккинчи мураббий  3 09:05Сўнгги дақиқалардаги гол ва аламли мағлубият. Ўзбекистон — Тожикистон учрашувидан ФОТОГАЛEРEЯ  3 08:38Луис Энрике ғалабадан сўнг нималар деди?  14 08:10Индзаги “Интер“нинг йирик ҳисобдаги мағлубиятига изоҳ берди  14 07:46Финалнинг “Man of the match“ соҳиби маълум  12 07:24Мессининг бенефисига айланиб кетган баҳсда "Интер Майами" йирик ҳисобда ғалаба қозонди  4 05:45Чемпионлар Лигаси. ПСЖ финалда "Интер"ни йирик ҳисобда мағлубиятга учратди  17 01:55ПСЖ финалда "Интер"га жавобсиз 5та гол урди ва ўз тарихида биринчи марта ЕЧЛ бош совринига эга чиқди  200 00:51Сарри Римга қайтишга яқин  2 00:21"Ал Ҳилол" Зиданга йилига 100+ млн евро таклиф қилганди. Мураббий эса...  3 23:10Раҳмоналиев экстра-таймларда майдонга тушган ўйинда "Сабаҳ" "Қорабоғ"ни енгиб, Озарбайжон кубоги соҳиби бўлди! Клуб Европа лигаси саралашида иштирок этади  1 22:50Баҳром Ҳайдаров: "Селекция ишлари ҳар бир жамоада мунтазам давом этади"  1 22:33Виталий Левченко: "Чемпионатда танаффус юзага келганида шу каби ўртоқлик ўйинлари жамоа учун фойдали бўлади"  1

Omad sizga, Farhod Magomedov Yangiliklar

Omad sizga, Farhod Magomedov

Teglar :  Diyor Imomxo'jaev
Farhod Magomedov O'zbekiston futboli jamoatchiligi tomonidan eng ko'p tanqid qilingan insonlardan biri. Endi u PFL bosh direktori emas.

Magomedov nomini iloji boricha kamroq tilga olishni istaganman. Biroq u boshqargan tashkilot haqida etarlicha salbiy fikr ham bildirganman. O'zimcha Magomedov shaxsiyotiga tegishni istamaganmanim bilan, har safar u boshqargan tashkilotni “savalab” qarshisidan chiqib qolaverganman, o'zim istamaganim holda.

Nega? CHunki shaxs sifatida uni hurmat qilaman. Futbolchi sifatida Magomedovning o'yinlariga tan beraman. Katta avlod vakillari fikrimga balki qo'shilar, men hozirgacha Oliy Ligada uning kabi himoyachini deyarli ko'rganim yo'q. Unda bitta himoyachiga nima kerak bo'lsa, barchasi mujassam edi. Rost yoki yolg'on bilmadim, eshitganim bo'yicha aytaman: taym o'rtasida tovoniga mix kirib ketib, butsasining ichi qonga to'lganida ham, tishini-tishiga qo'yib, bemalol 45 daqiqa yugura olgan futbolchi bo'lgan u.

“CHig'atoy” futbol maktabida murabbiy sifatida taniganman. Bir safar mashg'ulotiga angrayib, 1 soatcha joyimda turib qolganimni ham eslayman. SHunchaki, Magomedovni kabinetga tiqib qo'yishdi. Bundan kim yutdi bilmayman-u, ammo aniq ayta oladiganim bor: PFL hech narsa yutmadi.

Men Magomedovning qo'lida PFLda ishlaganman. 2012 yil Jakartaga o'qish uchun ketayotganimda o'z xohishim bilan ariza yozib, ishimni topshirganman. Qaytishim esa “Sport-TV”ga to'g'ri kelgan. O'z xodimlariga munosabatidan kelib chiqib ham Magomedovni hurmat qilaman, qo'l ostida bu odamdan yomonlik ko'rmaganman. O'z vaqtida oyligim hisobidan armiyam uchun pul ham o'tkazib bergandi. Qarzimni qaytarganman, biroq baribir katta yordam bergan deb hisoblayman.

“Sport-TV” esa faoliyatimning oyog'ini osmondan qilib yubordi. Men endi Magomedovning emas, Turdialievning qo'lida ishlay boshladim. Bunda maqtash kerak bo'lgan narsani maqtadim (hech kim buni eslamaydi va men bundan hafa ham bo'lmayman). O'zim noto'g'ri deb bilgan narsalarni esa ochiqchasiga tanqid qildim (shunisini hamma eslab qoldi). Tanqid qilganlarim orasida Magomedov boshqargan tashkilot ham bor edi.

Men bu postni yozishni uzoq kutdim. Endi Farhod akada lavozim yo'q, men undan foydalanishim mumkin bo'lgan hech narsa qolmadi. SHuning uchun ham fikrimni bayon qilish vaqti keldi, deb hisobladim. Sababini yuqorida aytdim, shaxs sifatida, futbolchi sifatida, murabbiy sifatida uni doim hurmat qilaman. Bu munosabat “vzaimno” bo'lishi shart emas. Meni yoqtirmaslik uchun unda etarlicha asoslar bor va ular meni qiziqtirmaydi, doimgidek fikrimda qolaman.

Magomedovning kelgusi taqdiri qanday bo'ladi, bilmayman. Agar u kabinetidan tashqariga chiqib, o'zi sevgan va uni odamlar tan olgan maydoniga qaytsa, faqat va faqat xursand bo'laman. CHunki u aynan o'sha maydonda o'zini namoyon qila olishiga ishonaman.

Omad sizga, Farhod aka! Barchasi uchun uzr, rozi bo'ling...


Muallif :
Reyting: +50   

Fikrlar

championat.asia
< so’nggi yangiliklarni ko’rish
Яндекс.Метрика