"Olmaliq" "Terek" bilan durang o'ynadi

Uchrashuv qizg'in kurashlarga boy tarzda kechdi. Dastavval "Terek" jamoasi futbolchisi Uciev o'yinning 42-daqiqasida Timur G'aniev qo'riqlayotgan darvozani ishg'ol etdi va jamoasini hisobda oldinga olib chiqdi. Birinchi bo'lim "Terek" jamoasi foydasiga hal bo'ldi. Ikkinchi bo'limning dastlabki daqiqalarida "Olmaliq" vakillari raqib jarima maydonchasi oldida bir qator xavfli vaziyatlar yaratishga muvaffaq bo'lishdi. Bellashuvning 54-daqiqasida Igor SHkvirin boshqaruvidagi jamoada to'p tepayotgan Kamoliddin Murzoev hisobni tenglashtiruvchi golni kiritdi. Uchrashuvning 70-daqiqasida Bokila "Olmaliq" darvozasiga jamoasining ikkinchi golini yo'lladi. Lekin bu gol uchrashuvdagi so'nggisi bo'lmadi. Bahsning so'nggi daqiqasida Jahongir Abdumo'minov "Olmaliq"ni mag'lubiyatdan qutqarib qoluvchi to'pni kiritdi va uchrashuvdagi yakuniy hisobni o'rnatdi, 2:2.

Nazorat o'yini.

Turkiya, Antaliya.

"Terek" (Rossiya) - "Olmaliq" (O'zbekiston) 2:2

Gollar: Uciev (42), Murzoev (54), Bokila (70), Abdumo'minov (90).

"Terek": Gorodov (Gudiev,66), Uciev, Komorovski (Semenov, 56, Ailton, 73), SHaxtiev (Kudryashov, 56), Teyku, X.Kadyrov (Lebedenko, 68), Ayssati, Kuzyaev, Piris (Ivanov, 64), Axyadov (Ribus, 58), Bokila.

"Olmaliq": Temur G'aniev, Islom Inomov, Evgeniy Gogol, Adrian Kashkaval, Salamat Quttiboev, SHavkat Salomov, G'ulom Urunov, Jahongir Abdumo'minov, Arslonmurod Omonov, Kamoliddin Murzoev, Nemanya Yovanovich.

Ogohlantirish: Inomov (69).

CHetlatish: Semenov (72).