OLIY LIGA. "Lokomotiv" yuqoriga intilayotgan "Buxoro"ni qabul qiladi
11 iyu 2016 13:53
Yangiliklar
![](https://championat.asia/upload/storage/211192_original.jpg)
![](/upload/storage/211192_220.jpg)
OLIY LIGA. "Lokomotiv" yuqoriga intilayotgan "Buxoro"ni qabul qiladi
Bugun esa turning navbatdagi to'rtta o'yini o'tkaziladi. SHulardan biri TTYMI stadionida "Lokomotiv" va "Buxoro" jamoalari ishtirokida kechadi.
Oliy liga, 11-tur. 11 iyun
LOKOMOTIV - BUXORO
Boshlanish vaqti: 19:00
Hakam: Baxtiyor Namozov.
Turnir jadvalidagi o'rni: "Lokomotiv" 2-o'rinda (28 ochko), "Buxoro" 5-o'rinda (18 ochko)
Ochkolar orasidagi farq - 10 ochko.
Tarif: "Lokomotiv" oliy ligada ham mag'lubiyatsiz odimini davom ettirmoqda. "Buxoro" esa bu yilgi mavsumda o'ziga xos jamoalardan biri bo'lib turibdi. Yil boshida buxoroliklar tarkibni bir nechta yaxshi futbolchilar evaziga kuchaytirib olishdi. Jamoa Kubok bahslaridan "Paxtakor"ni chiqarib yubordi. Bu ham "Buxoro"ning kuchayayotganidan darak beradi. Bugun juda qiziqarli bahs kechishi kutilmoqda. Negaki "Lokomotiv" mag'lubiyatsiz odimini davom ettirishga harakat qilsa, "Buxoro" kuchli raqibga jiddiy qarshilik ko'rsatishga urinib ko'radi.
Fakt: "Lokomotiv" "Bunyodkor" bilan birga oliy ligada mag'lubiyatga uchramagan jamoa bo'lib turibdi. Jamoa hisobida 9ta g'alaba va bir durang bor. "Buxoro" esa hozirgacha ikki bor yutqazib qo'ydi. Jamoa safarda hozircha to'rtta o'yin o'tkazib, shundan ikkitasida zafar quchdi. Uydagi bellashuvlarda "Lokomotiv"ning to'plar nisbati 12-1. "Buxoro"ning safar o'yinlaridagi to'plar nisbati esa 3-4.
Eslatma: Kecha bo'lib o'tgan "Lokomotiv" - "Buxoro" (Yoshlar ligasi) o'yinida buxoroliklar 3:1 hisobida zafar quchishdi.
O’xshash yangiliklar
![AMP Logo](https://championat.asia/image/logo-amp.png)
Fikrlar