Oliy liga. 7-tur. "Bunyodkor" - "Navbahor" 3:0

Bunyodkor (Toshkent) – Navbahor (Namangan) 3:0
Hakamlar: M. Muhamedov (Toshkent viloyati), X. Mirzaahmedov (Toshkent viloyati), A. Snetkov (Toshkent viloyati), S. Sattorov (Qarshi)
Nazoratchi: S. Ermatov (Toshkent).

Gollar: Vohid SHodiev (58) (Akmal SHorahmedov), Sardor Rashidov (90), Oleksandr Pishur (90)

"Bunyodkor": 45.Akbar To'raev, 2.Akmal SHorahmedov, 5.Dilshod Jo'raev, 6.Anvar Gofurov (S), 11.Oleksandr Pishur, 14.Vohid SHodiev (Sahob Jo'raev, 90), 15.Islom Inomov, 21.Sardor Rashidov, 27.Sardor Sobirxo'jaev (Bahodir Pardaev, 62), 33.Oleg Zoteev (Alibobo Rahmatullaev, 69), 40.Sergey Simonenko

Zaxira: 25.Murodjon Zuxurov, 7.Alibobo Rahmatullaev, 8.Javlon Ibroximov, 10.Anvar Berdiev, 16.Karles Koto, 23.Sahob Jo'raev, 24.Bahodir Pardaev.

"Navbahor": 1.Xurshid Xo'jaev, 5.Raxmatillo Berdimurodov, 6.Baxtiyor Yoqubov (Otabek Valijonov, 74), 7.Mansur Saidov (Abdumalik Abdullaev, 67), 8.Azimjon Ahmedov, 9.Ilhom Boydedov (S), 22.SHahboz Erkinov, 27.Robbim Hasanov, 33.Toxir SHamsiddinov (Alisher Mahmudov, 78), 47.Timur Yafarov, 50.Yuriy Rijko

Zaxira: 24.Doniyorjon Usmonov, 3.Botirbek To'raboev, 10.Alisher Mahmudov, 11.Otabek Valijonov, 18.Sobir Hamidov, 23.Abdumalik Abdullaev, 25.Elyor Jahonov

Ogohlantirishlar: Robbim Hasanov (16), Yuriy Rijko (51), Ilhom Boydedaev (53), Akmal SHorahmedov (57), Oleg Zoteev (68)


                             MATNLI TRANSLYACIYA
                                       YANGILASH

Uchrashuv tugadi!

90+2` GOOOOOOOOOL! Aleksandr Pishur! 3:0!

90+1` Vohid SHodiev o'rniga Sahob Jo'raev maydonga tushdi.

90+1` Uchrashuvga 2 daqiqa vaqt qo'shib berildi!

90` GOOOOOOOOOOL! Sardor Rashidov! "Navbahor" himoyachisidan to'pni olib qo'ygan Sardor Rashidov maydon markazidan kirib bordi va o'zining aniq zarbasi evaziga jamoasining ikkinchi golini kiritdi.

88` Mehmonlar bugun standart vaziyatlaridan unumli foydalana olishmayapti.

87` "Navbahor" burchak to'pini amalga oshiradi.

85` "Navbahor" mezbonlarning himoyasini yorib o'tishga qiynalib qolmoqda.

83` Bahodir Pardaevning boshi bilan bergan zarbasini Xurshid Xo'jaev qaytarib qoldi.

80` SHahboz Erkinovjamoasining tezkor hujumini o'zining uzoqdan yo'llagan zarbasi bilan yakunlamoqchi bo'ldi. Lekin noaniq...

78` Toxir SHamsiddinov o'rniga Alisher Mahmudov maydonga tushirildi.

76` Robbim Hasanovnning uzoqdan yo'llagan zarbasi juda noaniq chiqdi.

74` "Navbahor"da yana o'zgarish: Baxtiyor Yoqubovning o'rniga Otabek Valijonov o'yinni davom ettiradi.

72` Robbim Hasanovning noaniq to'p uzatishi natijasida mehmonlarning hujumi yakunlanmay qoldi.

71` "Navbahor" o'zining navbatdagi hujumini tashkil etmoqda.

69` Oleg Zoteev o'z o'rnini Alibobo Rahmatullaevga bo'shatib berdi.

68` Oleg Zoteev sariq kartochka ishlab oldi.

67` Mansur Saidov maydonni tark etdi. Uning o'rniga Abdumalik Abdullaev maydonga tushirildi.

66` Jabrlanuvchining o'zi zarbani amalga oshirdi. Biroz noaniq. Lekin xavfli!

65` "Bunyodkor" jarima zarbasi ishlab oldi. Pishurga nisbatan qoida buzildi deb topdi hakam.

63` "Navbahor" jarima zarbasi tepish huquqini qo'lga kiritgan edi. Mansur Saidovning yo'llagan zarbasi anchagina noaniq chiqdi.

62` "Bunyodkor" tarkibida ilk o'zgarish: Sardor Sobirxo'jaev o'rniga Bahodir Pardaev tushdi.

61` "Navbahor" to'pni maydon markazidan boshalshi bilanoq oldinga intildi. Burchak to'pini amalga oshirgan mehmonlar bu standart vaziyatidan naf chiqara olishmadi.

60` "Navbahor" tezkor hujumni o'tkazib yubordi va natijada o'z darvozasidan to'p olib chiqishga majbur bo'ldi.

58` GOOOOOOOOOOOOOOL! Vohid SHodiev! Akmal SHorahmedovning o'ng qanotdan etkazib bergan to'pini Vohid SHodiev darvozaga joylab qo'ydi. Bu vaziyatda Xurshid Xo'jaev ham jamoasiga yordam bera olmadi.

57` Akmal SHorahmedov ogohlantirildi.

56` Ha, bugun "Navbahor" juda yaxshi o'yin ko'rsatmoqda. CHiroyli kombinatcion hujumlar va bir-biridan qulay vaziyatlar yaratilmoqda. Lekin futbolchilarga biroz aniqlik etishmayapti.

55` Ilhom Boydedaev bu vaqtga kelib sraiq kartochka ishlab oldi.

54` "Navbahor"ning "olovli" hujumi! Ajoyib hujum tashkil etishdi hozir mehmonlar. Darvoza tusini, keyinchalik Akbar To'raev va himoyachi hozir "Bunyodkor"ni goldan saqlab qoldi. Mansur Saidov va Baxtiyor Yoqubov qulay vaziyatdan foydalana bilishmadi.

52` Bugungi o'yinda "Navbahor"ni qo'llab-quvvatlash uchun Namangandan ham bir guruh ishqibozlar tashrif buyurishgan.

51` Yuriy Rijko hakam tomonidan sariq kartochkaga loyiq deb topildi.

50` Yo'q, mehmonlarga ham burchak to'pidan naf chiqarish nasib etmadi.

49` Endi mehmonlar shu ishni amalga oshirishadi.

48` Burchak to'pinidan "qaldirg'ochlar" unumli foydalana olishmadi.

48`"Bunyodkor"ning humini raqib himoyachilari bartaraf etishdi. Burchak to'pi.

46`  Ikkinchi bo'lim boshlandi!

45` Hakam birinchi bo'lim tugaganligi haqida xushtak chaldi! TANAFFUS!

44` "Bunyodkor" va "Navbahor" birinchi bo'lim so'nggi daqiqalarida ancha faollashishdi. Lekin imkoniyatlardan unumli foydalana olishmayapti. 

43` Uhhhh deydigan vaziyat! SHahboz Erkinov "qaldirg'ochlar"ning himoyachilari yo'l qo'ygan xatosi uchun munosib jazolashi mumkin edi. Lekin uning zarbasini so'nggi soniyada himoyachi darvoza chizig'i oldidan qaytarib yubordi...

42` Baxtiyor Ashurmatovning jamoasi ayni paytda raqibiga etarlicha tashvish tug'dirmoqda...

40` "Navbahor" posboni bugun yaxshi harakat qilmoqda. O'Ziga yo'naltirilgan zarbalarni aniqlik bilan qaytarishda davom etmoqda. Zarbalar esa har xil... Qiyini ham bor, osoni ham...

39` "Navbahor"ning javobi! Ilhom Boydedaev bu vaziyatda ochiqchasiga qizg'onchilik qildi. CHap qanotdan kirib borgan futbolchi to'pni SHahboz Erkinovga uzatib berish o'rniga, o'zining noaniq zarbalaridan birini muxlislarga ko'rsatdi. Qulay vaziyat ko'kka sovurildi...

38` "Bunyodkor" burchak to'pi tepdi. Aleksandr Pishurning bosh bilan bergan zarbasini Xurshid Xo'jaev qaytarib qoldi.

37` Oleg! Oleg! Zoteev! Zoteev ajoyib harakati bilan ikki futbolchini ortda qoldirdi va darvoza tomon zarba yo'lladi. Xurshid Xo'jaev uning zarbasini bartaf etishni uddasidan chiqdi. Oleg Zoteev esa juda chiroyli tarzda o'ynaganin etirof etish lozim.

36` Raxmatillo Berdimurodovning zarbasini Akbar To'raev ushlab oldi.

35`Endi "Navbahor" jarima zarbasi tepadi.  Mehmonlar uchun yaxshi imkoniyat bo'lishi mumkin.

34` Aleksandr Pishur!!!!!!!! Ajoyib zarba va dahshat "seyv" Xurshid Xo'jaev tomonidan. Ha, xavfli bo'ldi!

33` "Bunyodkor" vakillari jarima zarbasi ishlab olishdi. To'p oldida uch-to'rt futbolchi turibdi.

31`"Bunyodkor" chap qanotda raqib darvozasi tomon xavf solmoqchi bo'ldi. Lekin jarima maydonchasi ichiga etkazib berilgan to'pni Oleg Zottev darvozaga aniq yo'llay olmadi.

29` "Bunyodkor"ning navbatdagi o'xshamagan hujumi. "Qaldirg'ochlar" bugun hujumlariga bezak bera olishmayapti.

27` "Bunyodkor" hozircha o'yinni o'zi o'ylagandek o'tkaza olmayapti.  Raqib bunga yo'l qo'ymayapti desak yanada to'g'riroq bo'lardi.

25` "Navbahor"ning yurishi. Mansur Saidov va Baxtiyor Yoqubovning amalga oshirgan kombinaciyasini SHahboz Erkinov boshi bilan chiroyli yakunlab qo'yishi mumkin edi. Lekin Akbar To'raev bu vaziyatda to'pni ortiqcha qiyinchiliksiz egallab oldi.

23` Dilshod Jo'raev "Navbahor" darvozasini czoqdan nishonga olib ko'rdi. Lekin uning zarbasiga aniqlik etishmadi.

21` "Bunyodkor" murabbiylar shtabi asabiylashishmoqda. Ularni tushunsa bo'ladi. Jamoa so'nggi 5 daqiqa ichida tashabbusni raqibiga topshirib qo'ydi.

20` "Navbahor"ning yana bir hujumi noaniq pas tufayli uzilib qoldi. Namanganlik futbolchilar so'nggi daqiqalarda ancha faollashishgani aytib o'tish joiz.

19` Baxtiyor Yoqubov qulay vaziyatni yo'qqa chiqardi. Uning zarbasi anchagina noaniq ko'rinish oldi. Yaqin masofadan bemalol to'pni darvozaga joylab qo'yishi ham mumkin edi...

18` Timur Yafarovning urinishi befoyda ketdi. "Navbahor" biroz jonlandi.

16` "Navbahor" futbolchisi Robbim Hasanov qo'pol harakati uchun hakam tomonidan ogohlantirildi.

15` "Navbahor"ning hujumini Azim Ahmedov kuchli zarba bilan yakunlab qo'ydi. Zarbaga esa aniqlik etishmadi.

13` Aleksandr Pishurning uzatib bergan to'piga hech kim egalik qilmadi. Natijada "Bunyodkor"ning navbatdagi hujumin besamar yakunlandi.

11` "Navbahor" yaxshi himoyalanmoqda.

9` Hozircha uchrashuvda qiziqarli vaziyatlar yuzaga kelmayapti. Har ikkala jamoalar ham ehtiyotkorlik bilan harakat qilishmoqda.

7` "Bunyodkor" o'yin tizginini o'z qo'liga oldi. Uzoq o'ylangan hujum esa o'z yakuniga etmay qoldi.

5` "Bunyodkor"ning hujumi. Burchak to'pini "qaldirg'ochlar" amalga oshirishdi. Lekin mezbonlarga samara keltirmadi.

3` O'yindagi ilk zarbani SHahboz Erkinov "Bunyodkor" darvozasiga yo'lladi. Akbar To'raev bu vaziyatda to'pni egallab oldi.

1` Uchrashuv boshlandi!

Jamoalar PFL madhiyasi sadolari ostida maydonga chiqib kelishmoqda.

Assalomu aleykum qadrli futbol ishqibozlari! Bugun Oliy liga, 7-tur uchrashuvi "Bunyodkor" - "Navbahor" bahsi bo'lib o'tadi. Ushbu bellashuvdan saytimiz orqali matnli onlayn translyaciyasini amalga oshiramiz! Bugungi o'yin sharhini SHahboz Beg'amov yozib boradi.

- O'yin soat 18:00da boshlanadi.