Oliy liga 1-tur. Dastlabki 4 o'yinda kimning imkoniyati qanday?

12 mart, 2015 yil.
"Paxtakor" (Toshkent) - "Olmaliq" (Olmaliq)
Hakamlar: I. Tantashev (Buxoro), B. Qodirov (Buxoro), A. Ko'ldoshev (Buxoro), I. Garmashov (Toshkent)
Nazoratchi: V. Valickiy (Toshkent).

Bu o'yinda jamoalarning imkoniyati teng deb aytsa bo'ladi. Lekin 5 foizga "Paxtakor" ustun. Boisi "Olmaliq"ning bu yilgi jangovor tarkibi tuzilganiga nari borsa ikki oy bo'ldi. Bu tarkib 5 turdan keyin katta kuchga ega bo'lishini bashorat qilish qiyin emas. "Paxtakor" o'z maydonida o'ynaydi, OCHL va Superkubokdan kelib chiqsa, futbolchilar yaxshigina saboq olganlar. Bu o'yin shubhasiz turning markaziy o'yini.

Imkoniyatlar: 55/45
"FIFA.uz"ga olishni tavsiya qilamiz: Kaxi Maxaradze, Bahodir Pardaev - SHavkat Salomov.

"Bunyodkor" (Toshkent) - "Buxoro" (Buxoro)
Hakamlar: R. Ermatov (Toshkent), A. Rasulov (Toshkent), J. Saidov (Toshkent), J. Jalimov (Nukus)
Nazoratchi: A. Popov (Toshkent).

Bu o'yinda "Bunyodkor" favorit. "Buxoro" tubdan yangilanyapti. Futbolchilar va zamon bilan hamnafas bo'lgan yangi murabbiy jamoada ish boshladi. Lekin hali buxoroliklar rasmiy o'yinda maydonga tushishmadi. "Bunyodkor" esa allaqachon uchta jiddiy o'yinda ishtirok etishga ulgurdi. Jamoaning tarkibi ikki yil davomida elakdan o'tib olgan. Bu esa Lushanga engillik yaratadi.

Imkoniyatlar: 60/40
"FIFA.uz"ga olishni tavsiya qilamiz: Akmal SHorahmedov, Sardor Rashidov.

"Metallurg" (Bekobod) - "Lokomotiv" (Toshkent)
Hakamlar: Z. Qodirov (Navoiy), R. SHoyametov (Toshkent), R. Fozilov (Namangan), O. To'ychiboev (Toshkent)
Nazoratchi: A. Abdullaev (Toshkent).

Superkubokdan keyin Vadim Abramovning ishtahasi ochilgani rost. Qolaversa, raqib safida ko'p yildan beri darvozada turib kelgan Mamur Ikromov endi Bekobodga mehmon sifatida tashrif buyuradi. Bu o'yinda imkoniyatlarni teng baholasak-da, tarkib va o'yin amaliyotidan kelib chiqib "Lokomotiv"ga ustunlik beramiz. Ammo shunisi borki, agar "Metallurg" istasa o'z maydonida hech kimga ochko bermaydi. Lekin 1-tur o'z so'zini aytmay qolmasa kerak, "Lokomotiv" allaqachon mavsumga tayyor bo'lib ulgurgan.

Imkoniyatlar: 45/55
"FIFA.uz"ga olishni tavsiya qilamiz: Dilmurod Karimov - Temurxo'ja Abduxoliqov, Lutfullo To'raev.

"Nasaf" (Qarshi) - "Andijon" (Andijon)
Hakamlar: M. Muhamedov (Toshkent vil.), A. Capenko (Toshkent vil.), R. Serazetdinov (Toshkent), I. Ibragimov (Nukus)
Nazoratchi: S. Najafaliev (Toshkent).

Buni qarangki, ertaga bo'lib o'tadigan o'yinlarda barcha to'rt raqib ham 1 oy avval mavsumni boshlab ulgurgan. "Nasaf" ham toshkentliklar kabi OCHLda o'z o'yinlarini o'tkazib oldi, avvalgisidan ancha yaxshi. Saudiya Arabistonida bo'lib o'tgan o'yinda ham yaxshi harakat qilgan klub, o'z maydonida tarkibini u qadar ham yaxshilab ololmagan "Andijon"ni qabul qiladi. Bu o'yinda "Nasaf" maksimal natijaga erishini taxmin qilish qiyin emas.

Imkoniyatlar: 60/40
"FIFA.uz"ga olishni tavsiya qilamiz: Eldorbek Suyunov, Artur Gevorkyan, SHuhrat Muhammadiev, Hamza Karimov.