Oleg Zoteev: "Raqib himoyasiga bosim o'tkazish maqsadida meni oldinga o'tkazishdi"

- Butun o'zbek futboli shaydolarini ushbu g'alaba bilan tabriklayman. O'zbekiston jamoalari ushbu mavsumda ham OCHLda kam ochko jamg'arishdi. Biz keyinchalik ham kvotalarimiz uchun ochkolarni jamg'arishga harakat qilamiz. "Lokomotiv" muxlislarga bayram uyushtirib berdi. Albatta bu yutuq barchani birdek xursand qildi. Oxirgi yillarda o'zbek klublari chorak finalga chiqa olmay kelayotgandi. So'nggi bor faqat "Bunyodkor" bu ishni uddalagandi. Biz ham o'z tariximixda ilk bor ushbu bosqichga qadar etib keldik. Natija albatta kishini quvontiradi. Qo'limizdan kelgan barcha ishni amalga oshirdik va g'alabani qo'lga kiritdik. Birini uchrashuvdan so'ng ularni o'yinlarini diqqat bilan o'rgandik va bazi o'zgarishlarga amalga oshirildi. SHu boisdan ham men himoya chizig'idan qanot yarim himoyasiga o'tkazildim. Ularning "Al Hilol"ni chap qanotiga ko'proq xavf solib, bosimni kuchaytirish maqsadida murabbiylar ushbu o'zgarishga qo'l urishdi. Eski joyimda o'zimni yaxshi his etdim. O'yin yomon bo'lmadi deb o'ylayman.  Keyingi bosqich? Bu ko'p jihatdan jamoamiz sentyabr oyiga qanday holatda etib kelishiga bog'liq. Biz nima bo'lgan taqdirda ham uzoqroqqa borishga harakat qilamiz. Qanchalik uzoqroqqa borsak, o'zbek futboli uchun shuncha yaxshi bo'ladi.