Oleg Kornienko: "Futbolchimizning maydondan chetlatilishi o'yinni "sindirdi"

-  Birinchi navbatda “Buxoro” jamoasini g'alaba bilan tabriklayman. Uchrashuv boshidanoq o'yin tizginini yo'qotdik, omadsiz boshladik. Natijada birin-ketin ikkita gol o'tkazib yubordik. Buning ustiga birinchi bo'limda futbolchimizning maydondan chetlatilishi o'yinni “sindirib” qo'ydi. Ikkinchi bo'limda o'yinni biroz tartibga soldik. CHetlatilishdan so'ng o'yinni o'zgartirishga harakat qildik. Hujumda ishlarimiz o'xshamadi. Bugun qanotlarda ham aniqlik etishmadi.

CHetlatishga kelsak, buni ko'rib chiqish lozim. Bogdan Milichga nisbatan ham shunday qo'pollik bo'lgandi. U erda faqat sariq kartochka bilan cheklandi. Bizga esa qizil ko'rsatdi. O'sha holatda 100 foiz qizil kartochka bor edi, deya olmayman. Ammo hakam qizilni ko'rsatdimi, demak...

Penalti bo'lgan vaziyatlarga to'xtalsam, dastlabkisida bor edi. Qanotdan hujum uyushtirilgan paytda futbolchimiz oyog'ini qo'ygandi. Ehtiyotkorroq o'ynash lozim edi. Ikkinchisida esa Ilhom Alijonov raqibiga yaqinroq turishi kerak edi. Hech qisi yo'q, ishlashda davom etamiz. Yana ikkita tur o'yinlari bor. CHempionatni ishonchli tarzda yakunlaymiz. Yana bir bor “Buxoro” klubi va muxlislarini g'alaba bilan tabriklayman.