"Al Ittihod" portugaliyalik yosh futbolchini 30 mln evrodan oshiqqa xarid qildi

Bu avvalroq "Braga"da o'ynagan vinger – Rojer Fernandesh. Futbolchining ketgani haqida Portugaliya jamoasi matbuot xizmati rasman malum qildi.

Saudiya Arabistoni klubi "Zenit" rahbariyatining vinger Pedroni qo'yib yuborishini kutib o'tirmadi va uning o'rniga boshqa futbolchi topib qo'ya qoldi. Transfer 32,5 million evroni tashkil qildi. Shuningdek, 2,5 million evro miqdoridagi bonus to'lovlari ham ko'zda tutilgan.

19 yoshli vinger o'tgan mavsum "Braga" safida 48 o'yinda maydonga tushib, 5 ta gol urdi va 7 ta golli uzatmani amalga oshirdi. Transfermarkt portali uni 22 mln evroga baholamoqda.