Olamsport.com: Og'ir atletika. Ayollar jamoamizda ham Olimpiada yo'llanmasi!

Ushbu vaznning “A” guruhida 7 nafar atlet ro'yxatga olingan edi. Mutloq vazn toifasi hisoblangan ushbu yo'nalishda ishtirokchilar og'irligida keskin tafovut ko'zga tashlanib turgandi. Tarkibda terma jamoamiz azosi, jahon chempionati ishtirokchisi, 2015 yil o'tkazilgan Osiyo chempionati siltab ko'tarish mashqida bronza medalni qo'lga kiritgan 20 yoshli Omadoy Otaqo'zieva ham bor. Aslida, uning doimiy vazni 75 kg ekanligini ham, shu o'rinda eslatib o'tish joiz.

Dast ko'tarish mashqlariga etibor qaratamiz. Omadoy yurishni 88 kg bilan boshladi. Albatta uning chiqishida o'ziga ishonch yaqqol ko'zga tashlanib turgandi va shu bois keyingi gal buyurtmani 92 kg ga oshirdi. Ammo 95 kg natija qayd etishning iloji bo'lmadi, hozircha u 5-o'rinda. Kurash yuqoridagi 3 nafar sportchi o'rtasida o'tdi. Kenjantuk uchala urinishni ham muvaffaqiyatli bajardi – 97, 101, 105 kg. Buyurtmani keskin oshirib yuborgan SHimoliy Koreya vakili Kuk Hyang Kim 122, 127 va 131 kg toshlarni tap tortmay ko'tarishning uddasidan chiqdi. Raqibalari chiqishidan so'ng mashqni 128 kg bilan boshlagan Pulsabsakul hatto 132 kgni ham xotirjam ko'tardi. CHempionlikni avvaldan naqd qilgan qiz so'nggi urinishda 134 kg toshni bo'ysindira olmadi.

Siltab ko'tarish mashqlarida Omadoy birinchi va ikkinchi chiqishida 110 kgli buyurtmani ololmadi. So'nggi chiqishida ushbu ko'rsatkich bilan qita chempionatidagi yurishini yakunladi. Yana 5-o'rin.