OKMK SM stadioni ochilishi va Olmaliq – Metallurg o'yinidan fotogalereya

Olmaliq FK matbuot xizmatining malum qilishicha, tashkilotchilar tomonidan tashkil etilgan bayram dasturi ancha qiziqarli va hayajonli o'tdi. Sportchilar chiqishlari, kichik koncert dasturlaridan so'ng, stadionni ochib berish uchun so'z rahbariyatga berildi.

O'zbekiston Bosh vazirining o'rinbosari - Geologiya, yoqilg'i-energetika kompleksi, kimyo, neft-kimyo va metallurgiya sanoati masalalari majmuasi rahbari - G'ulomjon Ibragimov, O'zbekiston futbol federaciyasi prezidenti Mirabror Usmonov, Toshkent viloyati hokimi Ahmadjon Usmonov, OKMK OAJ bosh direktori Aleksandr Farmonovlar so'zga chiqishdi. SHundan so'ng, davlat madhiyasi sadolari ostida stadionda O'zbekiston bayrog'i ko'tarildi.

Ochilish marosimi doirasidagi koncert dasturi davomida Gulsanam Mamazoitova, shuningdek, yangi stadionda o'tkazilgan ilk rasmiy o'yindan so'ng Alisher Fayz kabi xonandalar stadionga tashrif buyurgan mehmonlarni o'z qo'shiqlari bilan xursand etdi. Olmaliq – Metallurg uchrashuvi esa 3:2 hisobida maydon egalari foydasiga hal bo'ldi.

Quyida Olmalik kon-metallurgiya kombinati sport majmuasi stadioni ochilishi va Olmaliq – Metallurg uchrashuvidan tayyorlangan fotoreportaj bilan tanishishingiz mumkin. Suratlar muallifi – Hasan Pirmuhamedov (O'zPFL matbuot xizmati).