So’nggi yangiliklar

17:32"Интер" ва Дюмфрис йилига 4 млн евро маош билан 2028 йилгача шартнома бўйича келишувга эришди. Дензелга МЮ қизиққанди  0 17:05"Ювентус" "Интер" футболчисига қизиқмоқда, аммо...  0 16:40"Милан" 2024/25 йилги мавсум учун сафар либосини тақдим этди  1 16:15"Арсенал" "Реал Сосьедад"дан Меринони харид қилмоқчи  1 15:49Саудияликлар Рафинья учун 65 млн евро таклиф қилишди. "Барса" Уильямс ва Ольмо билан шартнома имзолаш учун ўйинчиларни сотишга тайёр  1 15:17Де Хеа "Женоа"га ўтмайди – унинг талаблари клуб учун жуда юқори. Дарвозабонда МЛС ва Саудия Арабистонидан вариантлар бор  1 14:49Артём Довбик "Рома"нинг таклифини қабул қилди ва клубга ўтишга яқин  1 14:21Ольмо "Барселона"дан ташқари барча клубларнинг таклифини рад этди  2 13:58Ихеаначо Ла Лига клубига ўтишга яқин  1 13:31Ашурматов: "Олимпиада олдидан Ўзбекистон терма жамоасининг плей-оффга чиқишига катта умид боғланганди"  7 13:02"Рома" "Ювентус" футболчиси билан шартнома имзолашга яқин  0 12:38Филлипс "Манчестер Сити"ни тарк этмоқчи  1 12:17ПСЖ ва АПЛ клублари Уильямснинг Испанияда қолишни афзал кўришини ҳис қилишмоқда. "Барселона" – фаворит  0 11:48Лондон клуби Ван-Биссака борасида МЮ билан музокаралар ўтказмоқда  1 11:25Шерзод Қодиров "Динамо"дан кетди?!  0

O'FF rasmiylari Xalqaro press-klub sessiyasida OAV savollariga javob berdi Yangiliklar

O'FF rasmiylari Xalqaro press-klub sessiyasida OAV savollariga javob berdi

21 iyun kuni Toshkent shahridagi Xalqaro press-klubda “O'zbekistonda sport: Yangi vazifalar, Olimpiya harakati va sog'lom turmush tarzi” mavzusida OAV vakillari, sportchilar va jurnalistlar ishtirokida anjuman bo'lib o'tdi.

Unda O'zbekiston Respublikasi jismoniy tarbiya va sport davlat qo'mitasi raisi Rustam Qurbonov, Milliy Olimpiya qo'mitasi bosh kotibi Oybek Qosimov, O'zbekiston Futbol Federaciyasi bosh kotibi Sardor Rahmatullaev,  O'zbekiston davlat jismoniy tarbiya instituti rektori SHoakrom Isroilov hamda O'zPFLning kelishilgan o'yinlarga qarshi masul oficeri Axrol Inoyatov ishtirok etdi.

Anjumanda sport olami, mamlakatda sportni rivojlantirish, Olimpiya harakati va xususan futbol haqida so'z bordi. Press-klubda O'zbekiston futbol federaciyasi vice-prezidenti Sardor Rahmatullaev ishtirok etib, o'z sohadagi muammolar, rejalar va istiqbollar haqida o'z firklarini bildirdi.

“Avvalambor, 2018 yilgi Jahon chempionati yo'llanmasi uchun kurash olib borayotgan futbol bo'yicha O'zbekiston milliy terma jamoasi haqida so'z yuritmoqchiman. Ha, xatolar bor, ammo bizda mundialga to'g'ridan-to'g'ri chiqish imkoniyati saqlanib qoldi. Bugungi kunda mamlakat futbol federaciyasi va murabbiylar shtabi ushbu vazifani bajarish uchun bor kuchini ishga solmoqda. Murabbiylar shtabidagi yoki O'FFdagi istefolar haqida to'xtaladigan bo'lsak, O'FF Ijroiya qo'mitasi buyurosi milliy terma jamoa murabbiylar shtabiga ishini oxirigacha bajarishga imkon berdi”, – dedi Sardor Rahmatullaev.  

O'FF bosh kotibi milliy terma jamoa murabbiylar shtabining o'z lavozimida qoldirilishi sababini tushuntirdi.

“Birinchidan, Samvel Babayan bilan saralash o'yinlarining oxirigacha shartnoma tuzilgan va agarda u o'ziga yuklatilgan vazifani uddalay olmasa, istefoga chiqarilishi mumkin. Lekin, ayni paytda O'zbekiston terma jamoasida Jahon chempionatiga to'g'ridan-to'g'ri yo'llanmani qo'lga kiritish uchun juda yaxshi imkoniyat mavjud va bu imkoniyat o'z-o'zidan paydo bo'lib qolmadi. Bunda jamoa murabbiylar shtabining roli katta. Masalan, to'g'ridan-to'g'ri yo'llanma uchun asosiy raqobatchimiz – Janubiy Koreya terma jamoasining ahvoli bizdan yomonroq. CHunki, ularning taqdiri o'z qo'lida emas. O'zbekiston terma jamoasining taqdiri o'z qo'lida. Qolgan 2 o'yinni yutsa, Janubiy Koreyaning natijasidan qati nazar Jahon chempionatiga to'g'ridan-to'g'ri yo'llanmani qo'lga kiritadi. Janubiy Koreya, masalan, Qatar bilan o'yinlarda 3 ochko oldi. O'zbekiston esa 6 ochko. Ana shu jihatlarni inobatga olib, O'zbekiston futbol federaciyasining Ijroiya qo'mitasi byurosi 15 iyun kuni Samvel Babayanni o'z lavozimida qoldirish haqida qaror qabul qildi. O'zbekiston terma jamoasi mavzusiga qaytadigan bo'lsak, natija uchun faqatgina bosh murabbiy emas, balki O'FF ham javob beradi”, – deya vaziyatga aniqlik kiritdi Sardor Rahmatullaev.

O'zbekiston Futbol Federaciyasi bosh kotibi Sardor Rahmatullaev Xalqaro press-klub yig'ilishida, shuningdek, sentyabr oyida o'zbek futbolini rivojlantirishning yangi koncepciyasi qabul qilinishini haqida malum qildi.

“SHu yilning sentyabr oyida O'FFning hisobot-saylov konferenciyasi bo'lib o'tadi. Unda federaciyasining yangi tarkibi tanlanadi. O'zbekistonda futbolni rivojlantirish tizimining yangi koncepciyasi ishlab chiqildi va bu koncepciya konferenciyada tasdiqlanadi. Yangi tuzilma, yangi boshqaruv tarkibi, PFLda o'zgarishlar, bolalar va o'smirlar futbolini rivojlantirish: bu dastur 2017–2020 yillarga mo'ljallangan. Bizda nafaqat milliy terma jamoa, balki yoshlar va o'smirlar terma jamoasi ham turli turnirlarga tayyorgarlik ko'rmoqda. O'smirlar va yoshlar terma jamoasi Osiyo chempionati saralash bosqichida ishtirok etadi. 23 yoshgacha bo'lgan futbolchilar ham Osiyo birinchiligiga chiqish uchun saralash bosqichiga qatnashadi”, – dedi Sardor Rahmutullaev.

Sardor Rahmatullaev O'FF rasmiylari jurnalistlar bilan muloqotdan qochmasligi, ular bilan aloqa qilinishi haqida ham to'xtalib o'tdi.

“O'FF rasmiylari jurnalistlar bilan muloqotdan qochmaydi. Birinchidan, har bir musobaqa reglamentida o'yin-oldi, o'yindan keyingi matbuot anjumanlari, flesh intervyu, mikst zonadagi qisqa intervyu kabi tadbirlar majburiy qilib qo'yilgan. Ikkinchidan, O'FFning matbuot xizmati bor. O'FFning rasmiy sayti, ijtimoiy tarmoqlarda alohida akkauntlari mavjud. Qolaversa, O'FF Prezidenti shaxsan eksklyuziv intervyular berib keladi. Ammo, har bir tadbirning o'rnatilgan tartibi va o'rni bor. SHunga rioya qilingan holda muloqot amalga oshiriladi”, – deydi O'FF bosh kotibi.

Bundan tashqari, Halqaro press-klubda kelishilgan o'yinlarga qarshi masul oficer Axrol Inoyatov ham o'z fikrlari bilan o'rtoqlashib, O'zPFLning joriy mavsumida kelishilgan o'yinlar kuzatilmaganligi, agar shunga o'xshash holatlar qayd etilsa ularga qarshi chora qo'llanishini aytib o'tdi.

“Joriy mavsumda hech qanday kelishilgan o'yinlar kuzatilmadi. Turnir jadvalidagi holatga etibor bersangiz, etakchi va undan keyingi o'rinlarni egallab turgan jamoalar orasidagi farq 2–3 ochkoni tashkil etadi. Umuman olganda o'yinlar rang-barang tus olmoqda”, – dedi Inoyatov.

SHuningdek, Axrol Inoyatov OAV vakillari va jurnalistlarni hamkorlikda ishlashga chaqirdi va shubhali holatlar aniqlansa xabar berish kerakligini takidladi.

Anjuman yakunida qolgan muhim o'yinlar oldidan O'zbekiston milliy terma jamoasi, murabbiylar shtabi va futbolchilarga bosim o'tkazmay, qo'llab-quvvatlash, dalda berish kerakligi takidlandi.

Reyting: -85   

Fikrlar

championat.asia
< so’nggi yangiliklarni ko’rish
Яндекс.Метрика