O'FA hamda MOQ rahbariyati O'zbekiston olimpiya terma jamoasi murabbiylari bilan uchrashdi
06 dek 2019 21:54
Yangiliklar
![](https://championat.asia/upload/storage/532805_original.jpg)
![](/upload/storage/532805_220.jpg)
O'FA hamda MOQ rahbariyati O'zbekiston olimpiya terma jamoasi murabbiylari bilan uchrashdi
Avval xabar berganimizdek, ertadan olimpiyachilarimiz musobaqaga tayyorgarlik doirasidagi so'nggi yig'inga kirishadi.
Yig'in oldidan esa O'zbekiston Milliy Olimpiya qo'mitasi va O'zbekiston futbol associaciyasi rahbariyati Olimpiya terma jamoamiz murabbiylar shtabi bilan uchrashuv o'tkazdi.
Uchrashuv davomida terma jamoa oldiga qo'yilgan vazifalar, oldindagi yakuniy o'quv-mashg'ulot yig'ini, Osiyo chempionatiga olib borilgan tayyorgarlik jarayoni muhokama qilindi. MOQ prezidenti Rustam SHoabdurahmonov va O'FA Birinchi vice-prezidenti Ravshan Ermatov Lyubinko Drulovich boshchiligidagi murabbiylar shtabi bilan do'stona muloqot qilib, terma jamoadagi ichki muhit, futbolchilarning jismoniy hamda ruhiy tayyorgarligi bilan qiziqishdi. Terma jamoa azolariga zarur barcha shart-sharoit yaratib berilishi, ularning bor diqqat-etiborlari faqat va faqat oldindagi masuliyatli musobaqaga qaratilishi lozim ekani takidlandi.
O'z navbatida O'zbekiston olimpiya terma jamoasi murabbiylar shtabi bunday qo'llab-quvvatlashdan mamnun ekanliklarini bildirib, terma jamoaning barcha azolari Osiyo chempionatiga jiddiy tayyorgarlik olib borayotgani va zimmalaridagi ulkan masuliyatni his etib turishganini, nasib etsa qita birinchiligida bor mahorat ishga solinishini takidlashdi.
O’xshash yangiliklar
![AMP Logo](https://championat.asia/image/logo-amp.png)
Fikrlar