Odil Ahmedov: "Saralash o'yinlari viloyatlarda bo'lsa qiziq bo'lardi"

Server Jeparovdan keyin, "Krasnodar" futbolchisi Odil Ahmedovni ham fikrlari bilan qiziqdik.

"Guruhda yaxshi jamoalarni bo'lishi, bu o'yinlarga jiddiy tayyorgarlik ko'rishimizga sabab bo'ladi. Bahrayn va KXDR terma jamoalariga qarshi o'ynaganmiz, ularni o'yinilarini yaxshi bilishimiz bizga qo'l kelishi tabiiy. Albatta vazifa JCHga chiqish bo'lganidan keyin, bu guruhda maksimal vazifani bajarishimiz kerak", - deydi Ahmedov.

Avvallari raqiblarni joy tanlashi natijasida, barcha o'yinlar Toshkentda bo'lib o'tar edi. Yaman va Fillipin terma jamoalarining bugungi holatidan kelib chiqsak, ularni ikkilanmasdan viloyat stadionlarida qabul qilsak bo'ladi. Bunga vice sardorimiz shunday fikr bildirdi:

- Albatta terma jamoamiz o'yinlarini boshqa viloyatlarda o'tkazsak yaxshi bo'lardi. Masalan, Yangi Zellandiya yoshlariga qarshi Farg'onada bo'lib o'tgan o'yin juda qiziqarli va yuqori saviyada o'tganligini eshitdim. Endi milliy terma jamoamiz ham shunday maydonlarda o'ynasa yomon bo'lmas edi.