"Odil Ahmedov FA"ga Italiyadan murabbiy tashrif buyurdi, bugun u Namanganga boradi

7-10 noyabr kunlari Namangan viloyatining To'raqo'rg'on tumanida faoliyat yuritayotgan "Odil Ahmedov FA" stadionida "Kelajak Yulduzlari" musobaqasining beshinchi mavsumi start olgan. Tiffozilar yurtidan tashrif buyurgan murabbiy 3 kun davomida To'raqo'rg'ondagi musobaqani jonli kuzatadi va shundan keyin poytaxtda 2009-2012 yillarda tug'ilgan futbolchilarga mahorat darslarini o'tadi.

18-25 noyabr kunlari Andreocci yana Namanganga qaytadi. Bu erda "Odil Ahmedov FA"ning 2004, 2005, 2006, 2007 va 2008 yillarda tavallud topgan eng yaxshi futbolchilaridan iborat guruhlariga o'quv-yig'in mashg'ulotini tashkil etadi. 1 hafta davomida Namangan viloyati hokimligi va futbol associaciyasi bilan hamkorlikda, murabbiy Namanganda faoliyat yuritayotgan bolalar murabbiylariga bepul trening mashg'ulotlarini o'tkazadi. 

Murabbiyning O'zbekistondagi uchinchi haftasini "Odil Ahmedov FA"ning viloyatlardagi, Buxoro, Samarqand va Surxondaryo filiallariga tashrifi ko'zda tutilgan. 

Dekabr oyini boshida esa "Odil Ahmedov FA"ning 6ta filialida endi futbolga qadam qo'yayotgan 2011 va 2012 yillarda tug'ilgan futbolchilar  o'rtasida 2 kunlik blic turnirda ishtirok etadi. Unda poytaxt Toshkentdan tashqari, Samarqand, To'raqo'rg'on, Farg'ona, Qo'qon va Zarafshondan tashrif buyuradigan 2011/12 yillarda tug'ilgan bolakaylar o'zaro kuch sinashadilar.