Odil Ahmedov: “Anji” bilan xayrlashmayman”

“Uch yarim yil “Anji” safida to'p tepdim. Muxlislarni, sobiq jamoadoshlarimni va Dog'istonni sog'inaman.

“Anji” muxlislari menga yoqadi va men ularni juda hurmat qilaman. Men va muxlislar orasida hech qachon kelishmovchiliklar bo'lmagan. Ular doimo, hattoki jarohat olganimda ham qo'llab-quvvatlashgan. Ulardan minnatdorman. Boshqa jamoa muxlislari mendan hafa bo'lishmaydi degan umiddaman, ammo “Anji” muxlislariga teng keladigani yo'q. Ular o'z jamoasi va futbolchilarini sevishadi. “Anji” birinchi divizionda ekanligidan afsusdaman. Bu divizion jamoaga va muxlislarga mos emas, ular premer-ligaga munosib.

“Anji”ni albatta kuzatib boraman va ular uchun qayg'uraman. Bu klubga omad va premier ligaga qaytishini tilab qolaman”.

- Siz jamoa bilan xayrlashishga ulgurdingizmi?
“Mavsum o'z nihoyasiga etganda, men jamoadan ketishimni aniq bilmasdim. SHu sababli hech kim bilan xayrlashmaganman. Bunga zarurat yo'q deb o'ylayman. Meni yuragim doimo “Anji”da qoladi. “Anji” muxlislari, futbolchilari va rahbariyat bilan uchrashib suhbatlashib turaman degan umiddaman. Bunday imkoniyat yaqin kunlarda Avstriyada paydo bo'lishi mumkin. CHunki “Anji” va “Krasnodar” Avstriyada yig'in olib borishadi”.

- Jahon chempionatini ko'rayotgan bo'lsangiz kerak? Qaysi terma jamoaga muxlislik qilasiz? Yoki alohida biror bir futbolchigami?
“Albatta Rossiya terma jamoasiga muxlislik qilaman, chunki bu jamoada do'stlarim Andrey Eshenko, Yuriy Jirkov, Oleg SHatovlar harakat qilishadi.