OCHL. Qaysi davlatdan nechta edi va kimlar keyingi bosqichga chiqdi?

Ular orasida O'zbekistonning yagona vakili “Bunyodkor” borligi quvonarli holdir. Xabaringiz bor, “Bunyodkor” o'ta qiyin vaziyatdan bir amallab chiqib keta oldi va ketma-ket ikkita o'yinda g'alaba qozonib, musobaqaning 1/8 finaliga yo'l oldi. Endi toshkentliklar navbatdagi bosqichda Saudiya Arabistonining “Al Hilol” klubiga qarshi ikkita uchrashuv (uyda va safarda) o'tkazishadi. Quyidagi maqolada esa guruh o'yinlarida qaysi davlatdan nechta jamoa qatnashgani-yu, kimlar keyingi bosqichga chiqqani xususida mulohaza yuritamiz.

“G'ARB” MINTAQASI: SAUDIYA KLUBLARI ISHONCHNI OQLASHDI
OCHL guruh o'yinlarining “G'arb” mintaqasida beshta davlat klublari ishtirok etishdi. Saudiya Arabistoni, Eron va Qatardan to'rttadan jamoa, BAAdan uchta va O'zbekistondan bitta klub. Eng yaxshi ko'rsatkichni esa Saudiya klublari qayd etishdi: to'rtta jamoadan uchtasi keyingi bosqichga yo'l oldi. “Bunyodkor” bilan bir guruhda kurash olib borgan “Al Fath”ni hisobga olmaganda “Al SHabab”, “Al Ittihod” va “Al Hilol” o'z oldiga qo'yilgan dastlabki vazifani uddalashdi.

Qatar va Eron klublaridan esa faqat bitta vakil keyingi bosqichga yo'l oldi. Yani, “Al Sadd” bilan “Fulad” bu ishni uddalashdi. “Al Jaish”, “Laxviya”, “Al Rayan”, “Sepaxon”, “Traktorsozi”, “Istiqlol” klublari esa guruhda qolib ketishdi. BAA mamlakatidan uchta klub qatnashgan bo'lsa, shundan ikkitasi guruhdan chiqdi: “Al Ayn” va “Al Jazira”. “Al Ahli” esa 7 ochko bilan guruhda qolib ketdi. O'zbekistondan bitta jamoa qatnashgan bo'lsa, yagona jamoamiz ham o'ta murakkab vaziyatdan chiqib keta oldi. Oxirgi tur bellashuvida “Al Jaish”ni mag'lub etib qaytgan “Bunyodkor” endi 1/8 finalda bahs olib boradi.

SAUDIYA ARABISTONI – 4ta jamoa
“Al SHabab”: guruhdan chiqdi (12 ochko)
“Al Ittihod”: guruhdan chiqdi (10 ochko)
“Al Hilol”: guruhdan chiqdi (9 ochko)
“Al Fath”: guruhdan chiqa olmadi (2 ochko)

QATAR – 4ta jamoa
“Al Sadd”: guruhdan chiqdi (8 ochko)
“Al Jaish”: guruhdan chiqa olmadi (8 ochko)
“Laxviya”: guruhdan chiqa olmadi (7 ochko)
“Al Rayan”: guruhdan chiqa olmadi (3 ochko)

ERON – 4ta jamoa
“Fulad”: guruhdan chiqdi (11 ochko)
“Sepaxon”: guruhdan chiqa olmadi (7 ochko)
“Traktorsozi”: guruhdan chiqa olmadi (5 ochko)
“Istiqlol”: guruhdan chiqa olmadi (4 ochko)

BAA – 3ta jamoa
“Al Ayn”: guruhdan chiqdi (11 ochko)
“Al Jazira”: guruhdan chiqdi (10 ochko)
“Al Ahli”: guruhdan chiqa olmadi (7 ochko)

O'ZBEKISTON – 1ta jamoa
“Bunyodkor”: guruhdan chiqdi (8 ochko)

“SHARQ” MINTAQASI: KUTILGANIDEK KOREYA VA YAPONIYA PESHQADAM
“SHarq” mintaqasida uchta davlatdan to'rttadan jamoa OCHL guruh bahslarida ishtirok etdi. Yani, OFK tomonidan Janubiy Koreya, Yaponiya va Xitoyga to'rtta o'rin berilgandi va ular bu imkoniyatdan to'liq foydalanishdi. J.Koreya va Yaponiyadan uchtadan klub keyingi bosqichga chiqishni uddaladi: “Poxang Stilers”, “Seul”, “CHonbuk Xyunday”, “Kavasaki Frontale”, “Sanfrechche Xirosima” va “Serezo Osaka”. “Ulsan Xyunday” bilan “Yokogama Marinos” esa guruhdan chiqa olishmadi.

Guruh o'yinlarida Xitoydan ham to'rtta klub qatnashgan bo'lishiga qaramay, ulardan faqat bittasi 1/8 finalga yo'l oldi. Bu - OCHLning o'tgan yilgi g'olibi “Guangju Evergrand”. Bu jamoani italiyalik mashhur murabbiy Marchello Lippi boshqarayotganidan xabaringiz bor. Xitoy vakillaridan “Beyjing Goan”, “SHandong Luneng” hamda “Giju Renxe” klublari esa guruh bosqichida qolib ketishdi. Avstraliyadan uchta jamoa ishtirok etib, shundan bittasi vazifani uddaladi: “Vestern Sidney”. “Melburn Viktori” bilan “Sentral Koast Mariners”ga biroz omad kulib boqmadi. Va nihoyat yagona ishtirokchisi bo'lgan Tailand ham vazifani uddalay olmadi. “Buriram Yunayted” to'plagan 5 ochko jamoaning guruhdan chiqishiga kamlik qildi.

J.KOREYA – 4ta jamoa
“Poxang Stilers”: guruhdan chiqdi (11 ochko)
“Seul”: guruhdan chiqdi (11 ochko)
“CHonbuk Xyunday”: guruhdan chiqdi (8 ochko)
“Ulsan Xyunday”: guruhdan chiqa olmadi (7 ochko)

YAPONIYA – 4ta jamoa
“Kavasaki Frontale”: guruhdan chiqdi (12 ochko)
“Sanfrechche Xirosima”: guruhdan chiqdi (9 ochko)
“Serezo Osaka”: guruhdan chiqdi (8 ochko)
“Yokogama Marinos”: guruhdan chiqa olmadi (7 ochko)

XITOY – 4ta jamoa
“Guangju Evergrand”: guruhdan chiqdi (10 ochko)
“Beyjing Goan”: guruhdan chiqa olmadi (6 ochko)
“SHandong Luneng”: guruhdan chiqa olmadi (5 ochko)
“Giju Renxe”: guruhdan chiqa olmadi (4 ochko)

AVSTRALIYA – 3ta jamoa
“Vestern Sidney”: guruhdan chiqdi (12 ochko)
“Melburn Viktori”: guruhdan chiqa olmadi (8 ochko)
“Sentral Koast”: guruhdan chiqa olmadi (6 ochko)  

TAILAND
“Buriram Yunayted”: guruhdan chiqa olmadi (5 ochko)

Xayrulla Xoliqov.