OCHL. "A" guruhidagi vaziyat va imkoniyatlar haqida

"A" guruhida ishtirok etayotgan "Bunyodkor" o'z maydonida Qatarning "Laxviya" klubini qabul qilib, 0:1 hisobida yutqazib qo'ydi. Bu o'yinda ham "Persepolis" bilan bo'lgan uchrashuvdagi scenariy takrorlandi desa bo'ladi. Birinchidan, har ikkala bahsda yagona gol penaltidan kiritildi. Ikkinchidan, "Bunyodkor" shuncha hujum qilgani bilan to'p kirita olmadi.

Saudiya Arabistonining "Al Nasr" klubi esa o'z uyida "Persepolis"ni qabul qilib, yirik 3:0 hisobidagi g'alabaga erishdi. 3-tur bahslaridan so'ng guruh jadvali quyidagicha ko'rinish olgan. "Persepolis" 6 ochko to'plagan holda peshqadam bo'lib turibdi. Ikkinchi o'rindagi "Al Nasr" hisobida 5 va 3-o'rinda kelayotgan "Laxviya" hisobida 4 ochko bor. "Bunyodkor" esa bor-yo'g'i bir ochko bilan oxirgi o'rinda boryapti.



Sergey Lushan shogirdlari navbatdagi turni safarda "Laxviya"ga qarshi o'tkazishadi. Bu bahsda "Bunyodkor"ni faqat g'alaba qoniqtiradi. Agar "Bunyodkor" yana ochko yo'qotadigan bo'lsa, jamoa o'z tarixida ilk bor guruhdan chiqa olmay qolib ketadi.

SO'Z
- Uzr, bu savolga javob bera olmayman ("Bunyodkor" o'z uyidagi ikkinchi o'yinda ham to'p kirita olmadi. Jamoa gol urishi uchun yana nechta hujumchi yoki qancha vaziyat kerak?" degan savolga Sergey Lushanning javobi).

3-tur. 17 mart
"Bunyodkor" - "Laxviya" 0:1
"Al Nasr" - "Persepolis" 3:0

#	Jamoa	O'	YU	D	M	UG - O'G	T-N	Ochk
1	Persepolis	3	2	0	1	4 - 3	1	6
2	Al Nasr	3	1	2	0	5 - 2	3	5
3	Laxviya	3	1	1	1	2 - 4	-2	4
4	Bunyodkor	3	0	1	2	1 - 3	-2	1

Keyingi uchrashuvlar
4-tur. 8 aprel
"Persepolis" - "Al Nasr"
"Laxviya" - "Bunyodkor"