OCHL-2021. Zoran Yankovich: "Ertaga biz OCHLning joriy yilgi ehtimoliy g'olibiga qarshi maydonga chiqamiz"

"Ertaga biz OCHLning joriy yilgi ehtimoliy g'olibiga qarshi maydonga chiqamiz, deb o'ylayman. "Kavasaki Frontale" juda kuchli jamoa. Musobaqaga yoshlar tarkibi bilan kelgan bo'lsakda, ular bilan tenglashishga urinib ko'ramiz. O'zimizning eng yaxshi o'yinimizni ko'rsatishga harakat qilamiz. To'g'ri tarkibimizda yoshlar to'p tepmoqda. Ayrimlari kuchli jamoalarga qarshi o'yindan so'ng toliqib qolishdi. SHu bois tarkibda o'zgarishlar bo'ladi. Meni quvontiradigan futbolchilar oson bo'lmagan raqiblar bilan o'yinlarda tajriba to'plashmoqda. Masalan "Yunayted Siti"ga qarshi uchrashuvda 2ta gol urib, 3ta o'tkazib mag'lubiyatga uchradik. Agar tarkibimizda 3 nafar bo'lsa ham yoshi katta futbolchilar bo'lganida hisobni ushlab qola olardik. Bu ular uchun dars bo'ldi. OCHLdagi o'yinlar futbolchilarni tez fikrlashga o'rgatadi. SHu bois turnir jamoamiz uchun foydali bo'ldi, deb o'ylayman",- deydi Zoran Yankovich.

"Ertaga bizni qiziq va qiyin o'yin kutmoqda. Musobaqa bizga tajriba bermoqda. O'zimizga nimadir olyapmiz. SHu bois bizda ortiqcha bosim yo'q. Maqsadimiz kuchli jamoalardan kerakli jihatlarni o'zlashtirish edi",- deydi SHi Yucheng.