So’nggi yangiliklar

17:49Токотаев, Кичин, Алмазбеков, Мерк, Кожо... Қирғиз Республикасининг КХДР ва БААга қарши учрашувлар учун кенгайтирилган таркиби маълум  1 17:24Жиянов, Исмоилов, Бубанья, Жумаев ва бошқалар... Суперлига 10-тур рамзий терма жамоаси   0 17:10Ўзбекистон Кубоги. "Сўғдиёна" – "Хоразм ФА". Таркиблар маълум  1 16:43Дэвид Бекхэм Рубен Аморимнинг МЮдаги фаолияти ҳақида: "Уни қўллаб-қувватлаш керак, кейин натижани кўрасиз"  0 16:16ЎФА мураббийлар кенгаши йиғилишида МТЖнинг ЖЧ саралаши ва U-17 термасининг мундиалга тайёргарлиги муҳокама этилди  0 15:52Остон Ўрунов: "Ўтган мавсумдан сўнг етарлича дам олмаганим ва тиғиз тақвим туфайли мукаммал жисмоний ҳолатга кира олмадим"  6 15:27Кака Бразилия терма жамоасида Карло Анчелоттига ёрдам бериш истагини билдирди  3 14:59Ҳимояда ҳеч қандай муаммо бўлмайди. "Реал"нинг 4 нафар ҳимоячиси КЖЧда иштирок этиши мумкин  1 14:35Аббос Файзуллаев кечаги хатоси учун ЦСКА мухлисларидан кечирим сўради  10 14:08Агент Клоппнинг "Рома"га тайинлови масаласида баёнот берди  3 13:44ЎФА вакиллари "Шўртан" футбол академиясида бўлди  0 13:25"Бунёдкор" "Навбаҳор" билан ўйинда адолатсизликка учрадими? Суперлиганинг 10-туридаги ҳакамлик фаолияти таҳлили  9 13:10Ёзда эркин агентга айланадиган АПЛ футболчилари  6 12:42"Цементчи" "Арал" билан ўйин учун Нукусга бормайди. Жамоага техник мағлубият ёзилди  5 12:13"Милан" ярим ҳимоячиси "Реал"ни эмас, "Манчестер Сити"ни танлади  5

Ochiqlikda gap ko'p (PFL tadbiri haqida) Yangiliklar

Ochiqlikda gap ko'p (PFL tadbiri haqida)

Kecha, 11 dekabr kuni PFL 2024 yilgi mavsum yakunlariga bag'ishlangan tadbir tashkil etdi.

"Bunyodkor" stadioni anjumanlar zalida bo'lib o'tgan tadbir uch qismdan iborat bo'ldi. Tadbirning birinchi qismida turli nominaciyalar bo'yicha yil davomida o'zini ko'rsatganlar taqdirlandi va bu haqda saytimiz orqali xabar berdik.

Tadbirning ikkinchi qismi stadionlarga bag'ishlandi. Bilasizki, futbol o'yinlari yaxshi bo'lishi uchun avvalo yaxshi maydonlar kerak. Kelasi yil Superligada 16ta klub ishtirok etishini hisobga olsak, yana maydon muammosi ko'tarilishi mumkin va bunga tayyor turish lozim.

PFL taqdim etgan malumotga ko'ra, hozirgi paytda "Metallurg", "Mashal", "SHo'rtan" va "Paxtakor" stadionlari kelasi yil Superliga uchrashuvlarini qabul qilishga tayyor emas. Bu mavsum "Metallurg" uy o'yinlarini OKMK sport majmuasida, "Paxtakor" esa "Jar" stadionida o'tkazdi. Tabiiyki bu ham Superliganing tomoshabopligiga tasir qildi. CHunki baribir muxlislar o'z maydonida bo'lib o'tadigan o'yinlarga ko'proq kiradi.




"Mashal" va "SHo'rtan" Superligaga chiqqani bilan agar o'z stadionidagi kamchiliklarni bartaraf etmasa, bu ikki jamoa ham boshqa stadion topishiga to'g'ri keladi. Bu haqda PFL rahbari Diyor Imomxo'jaev alohida takidladi.

Bundan tashqari "Navbahor", "Nasaf", "So'g'diyona", "Neftchi", "Qizilqum", "Buxoro" va "Qo'qon-1912" stadionlarining hozirgi holati o'rtacha ko'rinishda bo'lib, bazi kamchiliklar bartaraf etilsa, bemalol Superliga o'yinlarini qabul qila oladi. Toshkent viloyatida joylashgan "Do'stlik", Olmaliqdagi OKMK sport majmuasi, Termizda yangi tamirdan chiqarilgan "Surxon Arena" hamda "Dinamo", "Andijon", "Bunyodkor" va "Jar" stadionlari Superligani qabul qilishga tayyor ekanligi malum qilindi.

Albatta, ko'pchilik qatori biz ham har qanday jamoa uy uchrashuvlarini neytral maydonda emas, balki o'z stadionida o'tkazishini xohlaymiz. CHunki shu orqali muxlislarni jalb etish osonlashadi, tomoshaboplik ortadi va eng muhimi TV translyaciya paytida orqa kadr (yani tribuna) bo'sh qolmaydi. Lekin buning uchun klublar ham harakat qilishi kerakki, o'z stadionida o'yin o'tkazish avvalo klublar uchun kerak.

Tadbirning uchinchi, aytish mumkinki, eng qaynoq qismi PFL rahbariyati va OAV o'rtasidagi ochiq muloqotga bag'ishlandi. Ikki soatdan ziyod davom etgan muloqot mobaynida yil yakunlariga bag'ishlangan hisobot tinglandi va shu qatorda bir qator savollarga javob olindi. PFL bosh direktori Diyor Imomxo'jaev jurnalistlar tomonidan berilgan har qanday savolga atroflicha javob berib o'tdi. Quyida bazi masalalarga to'xtalib o'tamiz.




1. Superligani 16ta jamoaga etkazish o'z navbatida Proligaga ham tasir qiladi. CHunki Proligada kimlar o'ynaydi degan savol yuzaga chiqadi. Bu borada PFL rahbari katta ehtimol bilan yangi mavsumda ham Proliga 8ta jamoa ishtirokida 4 davrali tizimda o'tkazilishini malum qildi.

2. Klublar smetasini oshkor qilish. PFLning vazifasi musobaqalar tashkil qilish, o'tkazish hamda shu orqali klublar ishini tartibga solish. Lekin bu degani barchasini oshkor qilsa bo'ladi degani emas. Turli korxona, tashkilotlar byudjetini oshkor etish bilan shug'ullanadigan boshqa tashkilotlar borki, bu borada ularga murojaat qilingani maqul.

3. U-21 asosiy jamoadan bir kun oldin o'ynaydimi yo bir kun keyinmi? Bu avvalo klublarning o'ziga bog'liq va ovozga qo'ysa ham bo'ladi. PFL uchun U-21 chempionatini bir kun oldin yo keyin o'tkazishning farqi yo'q. Umuman olganda, bu alohida mavzu bo'lib, bunga keyinroq batafsil to'xtalamiz.

4. PFL Tartib-intizom qo'mitasi qarorlariga aralashmaydi. Tartib-intizom qo'mitasi O'FA tarkibida faoliyat yuritadi va faqat O'FAga bo'ysunadi. O'yinlar paytida yuz beradigan qizil kartochkali holat, bahsli vaziyat, janjal-tortishuv va boshqa masalalar yuzasidan PFL ishni Qo'mitaga oshiradi va qarorni Qo'mita qabul qiladi. Natijada Qo'mita qarori klublarga etkaziladi.

5. Kelishilgan o'yinlar masalasi. Afsuski, bundan to'liq qochib bo'lmayapti. Bizda kelishilgan o'yinlar yo'q deysizmi? Ko'pchilik bu haqda gap ketganda bor deydi. PFL rahbariyatining aytishicha, 14 dekabr kuni bo'lib o'tadigan O'FA Kongressidan so'ng bu mavzu ko'tariladi. Darhaqiqat, Superliganing ayniqsa oxirgi ikki turidagi bazi holatlar ko'plab savollarni keltirib chiqaryapti.




Yil yakunlari va yangi mavsum rejalariga bag'ishlangan ochiq muloqotning ochiq tarzda o'tgani va har bir savolga javob olingani yaxshi bo'ldi. Aslida shunday bo'lishi ham kerak, chunki futbolni aldab bo'lmaydi. Tan olaylik, hozirgi PFL ancha shaffof ishlayapti va o'z qarorlarini jamoatchilik bilan baham ko'ra olyapti.

Futbolda bazan to'g'ri ishlaysiz, bazan xato qilasiz, bazan natija keltirasiz, bazan natija sizdan yuz o'giradi - bu sport. Bu erda kurash ketadi. Lekin muhimi bu emas. Muhimi - hamma narsa ochiqlikda bo'lishi va jamoat bilan fikr almashib ishlanishida. Bir kishi hech qachon futbolni ko'tarib bermaydi, buni faqat jamoa bo'libgina amalga oshirish mumkin. Agar biz milliy futbolimiz yanada rivojlanishini istasak, har birimiz o'z ishimizga professional tarzda yondashib, barcha bilan ochiq bo'lishimiz kerak bo'ladi. SHundagina o'zimiz xohlagan maqsadga erishishimiz mumkin.





X.Xoliqov

Reyting: +5   

Fikrlar

championat.asia
< so’nggi yangiliklarni ko’rish
Яндекс.Метрика