“Obod” yig'inida bir qator yangi futbolchilar

Bular Mirzakamol Kamolov, Abdulatif Abduqodirov va Dilshod Hamroevdir. Kamolovning aytishicha, u sport formasini yo'qotmaslik maqsadida vaqtinchalik jamoa mashg'ulotlarida ishtirok etib turishini murabbiylardan so'ragan. Mirzakamolga ayni damda oliy liganing bir qator klublaridan takliflar bo'layotgani aytilayotir. Ammo futbolchi aniq bir to'xtamga kelmadi. O'tgan mavsum “Andijon” sharafini himoya qilgan Abduqodirov esa “burgutlar” bilan xayrlashgach, “Obod”dan taklif olgan ko'rinadi. Xuquqiy jihatdan “Bunyodkor”ga tegishli bo'lgan darvozabon Dilshod Hamroev esa aftidan joriy masumni ijara asosida “Obod”da o'tkazadigan bo'lib turibdi.