“Obod”ning sobiq bosh murabbiyi Ukraina oliy ligasida ish boshladi

Ukrainalik mutaxassis Andrey Demchenko o'tgan yilning ikkinchi qismida “Obod” bosh murabbiyi etib tayinlangan, klubni oliy liganing 8 bahsida maydonga boshlab tushgan. Aytish kerak, poytaxtliklar ukrainalik mutaxassis qo'l ostida barcha bellashuvlarni boy bergan.

Malum muddat ishsiz yurgan Andrey Demchenko ayni vaqtda Ukraina oliy ligasi ishtirokchisi “Veres”da bosh murabbiy vazifasini bajaruvchi lavozimda faoliyat ko'rsatmoqda. “Veres”ning o'zi mamlakat chempionatining ikkinchi bosqichini “CHempionlar guruhi”da o'tkazmoqda. Jamoa “SHaxtyor”, “Dinamo”, “Vorskla”, “Zarya”, “Maripol”dan keyin so'nggi oltinchi o'rinni egallab turibdi. 5 may kuni “Vorskla” bilan 0:0 hisobidagi durangga imzo chekkan “Veres” endi 13 may kuni Doneckda “SHaxtyor” mehmoni bo'ladi.