“Obod”, “Bunyodkor-Geofizika”, “G'ijduvon” va “Mashal-Akademiya” - I liganing yangi azolari

Bunday muvaffaqiyatga Toshkentning “Obod”, Toshkent viloyatining “Bunyodkor-Geofizika”, Buxoro viloyatining “G'ijduvon” hamda Muborakning “Mashal-Akademiya” jamoalari erishishdi.

“Obod” jamoasi yo'llanma masalasini 30 noyabr kuni hal etgan bo'lsa, kecha “A” guruhidan o'z maqsadiga “Bunyodkor-Geofizika” ham etdi. Andijonning “O'z-Don Ju” klubiga qarshi kechgan uchrashuvni Sergey Ni shogirdlari avvaliga yaxshi boshlashmadi. 32-daqiqada mehmonlar vakili Bunyod Sultonov “O'z-Dong Ju”ni oldinga olib chiqdi. Harchand urinishmasin, mezbonlar tanaffusgacha vaziyatni o'nglay olishmadi. Biroq ikkinchi bo'limda “Bunyodkor-Geofizika” uchun hammasi joyiga tushdi. 57-daqiqada bu miqyosdagi musobaqalar uchun tajribali sanalgan Yashar Mutalibov o'tkir zarbasi evaziga hisobni tenglashtirdi. 80-daqiqada andijonliklar o'z jarima maydonchalari ichida Elyor Abdulloevni chalib yiqitishdi. Va bosh hakam Vadim Agishev haqli ravishda penalti belgiladi. 11 metrli jarima zarbasini esa Ilyos Pardaev bexato bajarib, jamoasi joniga oro kirdi. SHu tariqa, 2:1 hisobida g'alaba qozonib, “Bunyodkor-Geofizika” ochkolari soni bo'yicha “Bunyodkor”ga etib oldi. Ammo musobaqa reglamentiga ko'ra, o'zaro o'yin natijasidan kelib chiqib, 2-o'rinni o'ziga taminladi.

“A” guruhidagi bugungi o'yinlar turnir jadvaliga hech qanday o'zgartirish kirita olmaydi.

“B” guruhida, jamoalarning mablag'ni iqtisod qilish taklifidan kelib chiqib, aslida 3 dekabr kuni o'ynalishi kerak bo'lgan 5-tur uchrashuvlarini tashkilotchilar turnirning dam olish kuni – 30 noyabrda o'tkazib bo'lishgan ekan. Biroq bu haqda O'zPFLga tashkilotchilar kech xabar berishgan. SHu bois biz ham muxlislarga bu 5-tur natijalarini kechroq etkazayapmiz.

5-turni oldinga surishgani uchun, “B” guruhida bahslarga kechayoq yakun yasalgan. Bu erda mezbonlar hech kimga imkoniyat qoldirishmadi va 100 foizli ko'rsatkichga erishishdi. 9 ochko jamg'argan “Mashal-Akademiya” 1-ligaga beriladigan ikkinchi yo'llanmaga ega chiqdi.

Ulug'bek Mirzaev

O'zbekiston chempionati. II liga. Final bosqichi
“A” GURUHI
4-tur. 2 dekabr
Dinamo – Bunyodkor 0:1
Bunyodkor-Geofizika – O'z-Dong Ju 2:1
Turnir jadvali            O'   O   T-N
1. Obod                            3   9   5-1
2. Bunyodkor-Geofizika     3   6   3-3
3. Bunyodkor                      4   6   5-3
4. O'z-Dong Ju                   3   1   5-7
5. Dinamo                         3   1   1-5

Izoh: “Bunyodkor-Geofizika” o'zaro o'yin natijasiga ko'ra (3:2) “Bunyodkor”dan oldinda turibdi.

5-tur. 3 dekabr
Bunyodkor-Geofizika – Dinamo
Obod – O'z-Dong Ju
------------------------------------------------------
“B” GURUHI
5-tur. 30 noyabr
Mashal-Akademiya – NDPI 1:0
G'ijduvon – Bahor-Geolog 3:2
3-tur. 1 dekabr
Tolachi – Bahor-Geolog 1:2
Mashal-Akademiya – G'ijduvon 1:3
4-tur. 2 dekabr
Bahor-Geolog – Mashal-Akademiya 1:3
NDPI – Tolachi 2:1

Turnir jadvali          O'   O   T-N
1. G'ijduvon                   4   12   10-3
2. Mashal-Akademiya     4   9   10-5
3. NDPI                         4   6   6-4
4. Bahor-Geolog              4   3   5-11
5. Tolachi                        4   0   3-11