Obid Jo'raboev: “Ochko yo'qotishga haqqimiz yo'q”

Ushbu uchrashuvdan oldin “Andijon” klubi futbolchisi Obid Jo'raboev o'z fikrlari bilan o'rtoqlashdi.

“Bizni 29 avgust kuni klub bazasiga chaqirib olishgan edi. Deyarli tanaffus bo'lmadi. Faqat ikki mahaldan mashg'ulotlar o'tkazdik. Ko'proq jismoniy holatga etibor qaratdik. 6 sentyabr kuni Toshkentga kelganimizdan so'ng mashg'ulotlar bir mahaldan o'tkazila boshlandi.

Bugun “So'g'diyona” jamoasiga qarshi bahs olib boramiz. Jizzax jamoasi kuchli o'nlikda bo'lmasa ham o'z uyida har qanday raqibga kuchli qarshilik ko'rsata oladi. Bundan avvalgi turda Farg'onaning “Neftchi” jamoasini mag'lub etdi. Biz ham shunga yarasha kuchli tayyorgarlik ko'rdik. Ularga ham bizga ham 3 ochko juda muhim. Biz ko'proq ochko jamg'arishimiz kerak. Deyarli musobaqaning ohirgi pog'onasida boryapmiz.

Agarda bugun mag'lub bo'lsak keyingi o'yinlarda ochko ishlab olish juda ham murakkablashadi. “Nasaf”, “Mashal” kabi kuchli klublarga qarshi to'p tep tepishimiz kerak. Bu uchrashuvlar juda qiyin bo'ladi. Uyimizda “Qo'qon-1912” va “Buxoro” jamoasiga mag'lub bo'lganimizdan so'ng juda ham og'ir bo'ldi. Nasib qilsa bugungi o'yinda g'alaba qozonish uchun bor kuchimiz bilan urinib ko'ramiz. Lekin, ochko yo'qotishga haqqimiz yo'q”, - deydi “Andijon” klubi futbolchisi Obid Jo'raboev.

Jahongir Sotvoldiev