Obameyangga "Yuventus" va "Nyukasl" qiziqish bildirmoqda

Manbaning xabariga ko'ra, futbolchi yanvardayoq jamoadan ketishga tayyor. Hujumchi avvalroq "Arsenal"da intizomiy qoidabuzarliklar tufayli sardorlik bog'ichidan ayrilgandi.

Gabonlik futbolchiga "Nyukasl" va "Yuventus" klublari qiziqmoqda. Italiya klubi uchun futbolchining maoshi juda yuqori tuyulmoqda. "Nyukasl" esa sotib olish sharti bilan ijaraga olish bo'yicha muzokaralar o'tkazishga tayyor.

32 yoshli Obameyang joriy mavsumda 15 o'yinda 7 gol urdi va 2 golga assistentlik qildi.

Forvardning London klubi bilan shartnomasi 2023 yilning yoziga qadar mo'ljallangan. Transfermarkt portali futbolchini 15 million evroga baholamoqda.