Nozim Mullaoxunov: "Oq-tepa" natija uchun o'ynadi va bunga erishdi"
06 iyu 2014 10:54
Yangiliklar

Nozim Mullaoxunov: "Oq-tepa" natija uchun o'ynadi va bunga erishdi"

Birinchi liganing 13-turidan o'rin olgan “UzDonJu” - “Oq-tepa” (0:1) uchrashuvidan so'ng mezbonlar bosh murabbiyi o'z fikrlarini bildirdi.

Nozim Mullaoxunov (“UzDongJu” bosh murabbiyi): Bugun biz yaxshi o'yin namoyish etdik. "Oq-tepa" natija uchun o'ynadi va bunga erishdi. Bugun qilingan xatolar ustida ishlaymiz. Oldimizda "NBU-Osiyo"ga qarshi bahsga qadar yana 3 kun vaqtimiz bor. "Qo'qon 1912"ga qarshi bahsda irodali g'alabaga erishgandik. "Oq-tepa"ga qarshi bahsning dastlabki bulimida 3 marta raqiblar darvozasi oldida xavfli hujum uyushtirdik. Lekin yakunda biroz omad bizdan yuz o'girdi. Agar shunday vaziyatlardan foydalana olganimizda edi, biz ijobiy natijaga erisha olardik. Bugungi bahsdagi mag'lubiyat uchun muxlislarimizdan uzr so'raymiz.

- Keyingi turda yana bir kuchli jamoalardan biri "NBU-Osiyo" ni qabul qilamiz. Bu bahsga ham biz jiddiy tayyorgarlik olib boramiz. Oldimizda turgan vaqt davomida shogirdlarimni ruhiy tomondan yaxshi tayyorlashga harakat qilaman. Biz kuchli 8talikka kirishga intilyapmiz. Buning uchun biz xoh safarda, xoh uyimizda bo'lsin doimo ijobiy natija uchun maydonga tushamiz”.

Komiljon Ikromov.

Havola :

Yangiliklarni Telegramda o'qing!

Reyting: