No'mon Hasanov "Paxtakor"ning vaqtinchalik bosh murabbiyi

Futbolchilik faoliyatida 4 karra O'zbekiston chempioni va 2 marta O'zbekiston Kubogi sohibiga aylangan Hasanov mamlakatimizdagi eng yaxshi yarim himoyachilardan biri sanalardi. Futbolchilikni tamomlagach, u faoliyatini murabbiy sifatida davom ettirishga qaror qildi. 2012 yil "Paxtakor"ning birinchi ligadagi jamoasiga bosh murabbiy etib tayinlangan Hasanov o'sha yilning yozida yoshlar tarkibi ustozligini qo'lga oldi va yakunda jamoani mamlakat chempioniga aylantirdi. Keyin esa asosiy tarkib murabbiylar shtabiga jalb etilib, o'tgan yili chempionlik qo'lga kiritilishida hissa qo'shdi. Samvel Babayan milliy terma jamoa bosh murabbiyi sifatida ishga kirishgani bois endi No'mon Hasanov "Paxtakor"ni boshqaradigan bo'ldi. Hozircha u bu lavozimda vaqtinchalik faoliyat yuritadi.

Biz No'mon Nurmatovichga asosiy jamoa ustozi sifatida faoliyati muvaffaqiyatli chiqishini tilab qolamiz.


No'mon HASANOV
Tug'ilgan sanasi: 10.02.1971
O'ynagan jamoalari:
1989-1990 "Avtomobilist" 34 (6)
1990 "Sohibkor" 7 (0)
1990-1993 "Paxtakor" 85 (25)
1995-1997 MHSK 101 (54)
1998 "Rubin" 8 (0)
1998 "Avtomobilist" 16 (2)
1999-2000 "Do'stlik" 47 (15)
2001-2002 "Nasaf" 36 (11)
2002-2003 "Do'stlik" 21 (0)
2003 "Qo'qon-1912" 12 (3)
2004-2005 "Traktor" 43 (13)
2006-2007 "SHo'rtan" 42 (5)
2007 "Traktor" 12 (2)
2008 "So'g'diyona" 17 (1)
2009 "Lokomotiv" 14 (0)
O'zbekiston terma jamoasida 23 uchrashuvda 4 to'p kiritgan.