“Neftchi”da bir qator o'zgarishlar yuz berdi

Jumladan klub direktori vazifasida ishlab kelgan Hikmatullo Nasriddinov va shuningdek bungacha murabbiylar shtabida faoliyat yuritib kelgan katta murabbiy SHamil Iseev, jismoniy tayyorgarlik bo'yicha murabbiy Eldor Sakaev, murabbiy Diyor Mirzaboev va matbuot kotibi Abror Dehqonov bilan  jamoa do'stona munosabatda xayrlashishga qaror qildi. Ularning klub ravnaqi uchun qilgan xizmatlari uchun minnatdorchilik bildirgan xolda kelgusi faoliyatlarida omad tilaymiz.

Rahbariyat murabbiylar shtabiga mahalliy yosh murabbiylar Sergey Lebedev, Bahrom Haydarov va SHerzod Raimjonovni jalb etdi. Muxlislarga yaxshi malumki ushbu trio jamoamiz uchun begona emas. Sababi ularning har biri ilgari futbolchilik faoliyatining asosiy qismini aynan “Neftchi” jamoasida o'tkazgandi. Sergey Lebedev ilgari murabbiy sifatida ham ishalaganini ishqibozlar yaxshi bilishsa kerak. Malum tanaffusdan so'ng murabbiy yana jamoaga qaytdi.

Klub texnik direktori lavozimida endilikda Sulton Zaylobidinov faoliyat yuritadigan bo'ldi. Jamoamizning yangi murabbiylari va boshqa xodimlariga kelgusi faoliyatlarida omad tilab qolamiz. 

Islombek Rustambekov, "Neftchi" matbuot kotibi.