“Neftchi” rahbariyati va murabbiylar shtabida ish qizg'in

Boisi ularda hozir ish ayni qizg'in pallaga kirgan. Jamoaning asosiy tarkibini yanada shakllantirish barobarida, murabbiylar shtabi eng avvalo o'rinbosarlar tarkibi va jamoa farm-klubini ham yangi zamonaviy yo'nalishda rivojlantirish dasturini ishlab chiqmoqda. SHuni takidlash lozimki - ko'p jamoalar faqat qish faslida ko'rik o'tkazishsa ,"Neftchi” murabbiylari bu jaryonni yil mobaynida o'tkazib, viloyat miqyosidagi barcha yoshdagi musobaqalarni muntazam ravishda kuzatib bormoqdalar. 

Xususan kuni-kecha O'zbekiston U-13  terma jamoasi bosh murabbiyi Ahmadjon Musaev va ushbu jamoa menejeri SHuhrat Maqsudov Farg'onaga tashrif buyurdi. Ular shu yoshdagi vodiydagi barcha futbolchilarni “Neftchi” murabbiylari bilan birgalikda kuzatishdi. Dekabr oyi boshida navbat Jasur Abduraimov boshchiligidagi 1997-yilda tug'ilgan futbolchilarga keladi. "Neftchi" rahbariyati  barcha terma jamoalarga munosib o'yinchilarni etkazib berish maqsadida, yoshlar jamoalarini yangi zamonaviy talablarga javob beradigan yo'nalish ustida ish olib bormokda . 

Dastlabki qadam sifatida  shuni aytish mumkinki, kuni kecha 1997, 1998, 1999, 2000 yilda tavallud topgan futbolchilar va ularning ota-onalari bilan suxbat o'tkazilib , kelajak loyixalari tushuntirildi. SHu maqsadda Salim Zokirov boshchiligida klubning barcha murabbiylari 1 dekabrga qadar ushbu loyihani ishlab chikishga xarakat qilmokdalar.