Nazorat uchrashuvi. “Cementchi” - “Neftchi” 1:0
21 mar 2017 14:00
Yangiliklar
![](https://championat.asia/upload/storage/245686_original.jpg)
![](/upload/storage/245686_220.jpg)
Nazorat uchrashuvi. “Cementchi” - “Neftchi” 1:0
Ushbu uchrashuv nazorat o'yini bo'lishiga qaramay muxlislar tomonidan katta qiziqish bilan qarshi olindi. Qiziqarli bahsni kuzatish uchun stadionga 400 dan ortiq muxlis tashrif buyurdi. Bu ko'rsatkich esa bazi bir oliy liga jamoalarining markaziy uchrashuviga kiradigan muxlislar sonidan biroz ko'proq. Qolaversa o'yinni bir qator rasmiy insonlar bilan birgalikda Andrey Fyodorov, Rustam Abdullaev va SHerzod Rayimjonovlar xam sinchikovlik bilan kuzatib borishdi. Uchrashuv ancha murosasiz kurashlarga boy tarzda o'tdi. “Neftchi” jamoasi tarkibida Akrom Baxriddinov, Baxtiyor Yoqubov, Muxsin Ubaydullaev, Xusniddin G'ofurov, Saidjon Abdujabborov, Furqat Hasanboev, Javohir Rasulov, Otabek Isroilov, Mo'ydin Mamazulumov kabi tajribali va iqtidorli futbolchilar dastlabki daqiqalardan maydonda xarakatlandilar. Farg'onaliklar tarkibida “Cementchi”ning sobiq yosh iqtidorli ximoyachilari Jamshid Qobulov va Bahodir Qodirovlar xam maydonga tushganliklari etiborga molik.
Ushbu futbolchilarga qarshi murabbiylarimiz ham anchagina yangilangan va optimallashgan tarkibni maydonga tushurdi. Uchrashuv davomida har ikkala jamoa hujumkorlik bilan harakatlanganligi bois darvozalar oldida tez tez xavfli vaziyatlar uyushtirilib turildi. Uchrashuvning 65-daqiqasida “Neftchi” jamoasi darvozasiga yaqinroq joyda mehmonlar o'yin qoidasini buzdi. To'p yoniga Rahmatillo Meliboev yaqinlashib keldi va burchakroqdan jarima zarbasini amalga oshirdi. Jarimadan uzatilgan to'pni hujumchi Davron Isoqov “Neftchi” darvozasiga joylab qo'ydi va jamoasi g'alabasini taminladi 1:0. Uchrashuvda boshqa gol kiritilmadi va “Cementchi” o'rtoqlik nazorat uchrashuvida “Neftchi” jamoasi ustidan kichik xisobda g'alaba qozondi.
“Cementchi” jamoasi matbuot kotibi Zuxriddin Abdullajonov
O’xshash yangiliklar
![AMP Logo](https://championat.asia/image/logo-amp.png)
Fikrlar