“Navbahor” direktori Baxtiyor Nurmatov: “Stadionga 20 ming odam kirdi degani, shuncha chipta sotildi degani emas”

Xo'sh, klub muxlislar tashrifidan qancha mablag' oladi, u nimalarga sarflanadi? Bu haqida klub direktori Baxtiyor Nurmatov “Tezkor Studiya”da javob berib o'tdi.

“Bitta o'yindagi muxlislar tashrifidan olingan daromad haqida hamma har xil fikrlaydi. Kimdir 50 million, 100 million deydi. Aslida 20 ming muxlis kirdi degani, shuncha chipta sotildi degan manoni anglatmaydi.

SHunday klublar borki, ishqibozlarni stadionga kelishi uchun malum bir turdagi sharoitlarni yaratib beradi. Bazi jamoalarning muxlislari esa o'zi stadionga talpinadi va har qancha bo'lsam ham chipta sotib olib kiradi.

To'g'ri, “Navbahor” jamoasi muxlislarga qattiq bog'langan. Klub ular orqali malum darajada daromad topishi aniq. Lekin, oxirgi bir yil ichida bu ham ortga keta boshladi. Koronavirus va pandemiya bizga qattiq tasir qildi. “Navbahor” muxlislarni jalb qilish uchun ijtimoiy tarmoqlarda ko'proq sahifalarni ochdik. Futbolchilar, klub va ichki muhit haqida ularga ko'proq malumot berdik. Xayriya akciyalarini tashkil qildik.

Muxlislarning puliga PFL ko'z tikkan narsa noto'g'ri. Bizni stadion va davlat unitar korxonasi bilan shartnomamiz bor. Markaziy stadion bizning klubga qarashli emas. Roppa-rosa 50 foizini davlat unitar korxonasiga o'tkazib beramiz. Qolgan qismini komunal xizmatlarga to'lab beramiz”,- deydi "Navbahor" klubi direktori.

Kechagi "Tezkor studiya"ni quyida tomosha qilish mumkin: