"Navbahor" 24 yillik tanaffusdan keyin O'zbekiston kubogi finaliga yo'l oldi
14 okt 2022 22:36
Yangiliklar

"Navbahor" 24 yillik tanaffusdan keyin O'zbekiston kubogi finaliga yo'l oldi

Namanganda Coca Cola O'zbekiston kubogi ikkinchi yarim final uchrashuvi o'tkazildi.

"Navbahor" - "So'g'diyona" uchrashuvining asosiy vaqtida va qo'shimcha bo'limlarda hisob ochilmadi. Penaltilar seriyasida esa "Navbahor" 3:1 hisobida g'alaba qozondi va final yo'llanmasiga ega chiqdi. SHu tariqa, "Navbahor" 24 yillik tanaffusdan so'ng yana O'zbekiston kubogi finaliga yo'l oldi. Oxirgi marta "Navbahor" 1998 yil kubok finalida maydonga tushib, "Neftchi"ni dog'da qoldirgan va O'zbekiston kubogi sohibiga aylangandi.

"Navbahor" - "Neftchi" 2:0

29 avgust 1998 yil. "Paxtakor" stadioni.

Hakam: Gali Imomov

Gollar: SHuhrat Rahmonqulov 38, Anvar Soliev 51

Eslatib o'tamiz, Coca Cola O'zbekiston kubogi final uchrashuvi 30 oktyabr kuni Buxoroda o'tkaziladi. Unda "Navbahor" va "Nasaf" o'zaro to'qnash keladi.

Havola :

Manba : championat.asia

Yangiliklarni Telegramda o'qing!

Reyting: +19