"Nasaf": "Tantashevning so'nggi qarori "ajdarlar"ni qimmatli ikki ochkodan mosuvo qildi"

Klub matbuot xizmati ijtimoiy tarmoqlardagi sahifalarida quyidagicha material chop etdi. 

"Bellashuv buxorolik hakamlarning g'alati qarorlari bilan esda qoldi. Uchrashuvning 60-daqiqasida raqib maydoniga kirib borgan Oybek Bozorov qo'pollik bilan to'xtatib qoldi. Bu vaziyatda Tantashev hech qanday qoida buzilmagan deb hisobladi. (VIDEO)

VAR hakamlari ham Bozorov yiqilgan vaziyatga etibor berishmadi. Ammo 81-daqiqada Javohir Qahramonov bilan bo'lgan vaziyatda esa Ilgiz Tantashev darvozamiz tomon penalti belgiladi. (VIDEO)

Tantashevning so'nggi qarori "ajdarlar"ni qimmatli ikki ochkodan mosuvo qildi. "Nasaf" maydonda ikkita jamoaga qarshi o'ynashga majburmi?!", – deyiladi xabarda.

Eslatib o'tamiz, kechagi uchrashuvning 85-daqiqasida bosh hakam Tantashev Javohir Qahramonov bilan ro'y bergan hodisani VAR'da ko'rib chiqib, shu orqali "Nasaf" darvozasi tomon penalti belgiladi. Bu esa tarmoqlarda keskin noroziliklarga sabab bo'lmoqda.