"Nasaf" matbuot xizmati kechagi o'yindagi holat bo'yicha izoh berdi

Mazkur o'yinning oxirgi daqiqalarida "Markaziy" stadionga kelgan muxlislar maydonga turli buyumlarni uloqtirishdi. Ushbu uchrashuv onlayn matnli translyaciyasini olib borgan SHahboz Beg'amov ham bu holatni yozib o'tgan edi.

Bu borada biz "Nasaf" klubi matbuot xizmati bilan bog'landik.

"Kechagi o'yinning oxirgi daqiqalarida bo'lib o'tgan voqeadan barchamiz afsusdamiz. Uydagi har bir o'yinda 20dan ortiq kamera orqali muxlislarni kuzatib boriladi. Kechaning o'zida 4 nafar tartibsizlik qilgan muxlis qo'lga olindi va ular bilan tushuntirish ishlari o'tkazildi.

"Nasaf" xavfsizlik xizmati vakillari tartibsizlikda qatnashgan qolgan shaxslarni ham topib ularga nisbatan tegishli choralarni qo'llaydi.

"Nasaf" klubi "Navbahor" klubi va uning muxlislaridan uzr so'raydi hamda PFLning har qanday qarorini hurmat qiladi", - deydi "Nasaf" matbuot xizmati.