"Nasaf" bugun Qarshida yig'iladi

Turkiyaning Antaliya shahrida tashkil etilgan yig'indan keyin 13 fevral kuni "ajdarlar" yurtimizga qaytib kelishgan edi. Ro'ziqul Berdiev futbolchilarga uch kunlik qisqa tatil bergandi. Bugundan etiboran esa "Nasaf" jamoasi o'zining Qarshidagi qarorgohida yig'iladi va yangi mavsumga tayyorgarlikni davom ettiradi. Turkiyadagi yig'indan keyin jamoaga yangi taklif etilgan legionerlar Oleksandr Koblash va Roy Roklar o'z yurtlariga dam olish uchun jo'nab ketishgan edi. Har ikkala futbolchi bugun yurtimizga qaytib kelishadi va "Nasaf" mashg'ulotlariga kirishishadi. Oleksandr Koblash Qarshiga borishdan oldin Toshkentda tibbiy ko'rikdan o'tishish ko'zda tutilgan.

Eslatib o'tamiz, yangi mavsumdan boshlab o'tgan yilni "So'g'diyona" tarkibida o'tkazgan ukrainalik hujumchi Oleksandr Koblash "ajdarlar" safida o'ynaydi. SHuningdek, Antaliyadagi yig'inda taklif etilgan sloveniyalik himoyachi Roy Rok ham Ro'ziqul Berdiev boshchiligidagi murabbiylar shtabiga maqul kelgan va endilikda Rok "Nasaf" azosi sanaladi.

Qarshining "Nasaf" jamoasi yangi mavsumdagi o'zining ilk o'yinini OCHL 1-tur bahsida Eronning "Traktorsoziy" jamoasiga qarshi o'tkazadi. Uchrashuv 25 fevral kuni, Qarshi shahridagi "Markaziy" stadionda bo'lib o'tadi.