Nabil Maalul: "Guruhimizdagi kuchli jamoani mag'lub etdik"

Uning birinchi qismida "Al Jaish" bosh murabbiyi qatnashdi.

"Toshkentdan uch ochko olganimizdan xursandman. Guruhimizdagi kuchli jamoani to'xtata oldik deb o'ylayman. O'yin esa ikki jamoa uchun ham qiyin kechdi. Bunda futbolchilarimizni yaxshi harakat qilganliklarida deb bilaman. Yana shogirdlarim berilgan taktik ko'rsatmalarni to'liq bajarishdi. Asosiy tarkibning 3 futbolchisi xizmatidan foydalana olmaganimiz yaxshi bo'lmadi", - deydi Nabil Maalul.

- Bugun darvozaboningiz ko'p vaziyatlarda o'yinni cho'zdi. Yakka kurashlarda esa aktyorlik qildi...
- Men unday deb o'ylamagan bo'lar edim. O'sha vaziyatlarda u rostan ham jarohat olgandi.

- Bugun qiyinchiliksiz g'alaba qozongan "Al Jaish" nima uchun o'z maydonida "Fulad"ni mag'lub eta olmagan edi. Balki o'sha o'yinda taktik ko'rsatmalaringiz ish bermagandir?
- Bugungi o'yin oson kechdi deb o'ylay olmayman. Biz shunchaki yarim himoya va himoya o'rtasidagi bog'liqlikni uza oldik. "Fulad" bilan ham shunday o'ynagan edik, ammo ularning himoyasini yorib o'tish qiyin kechdi. Taqqoslasam, ikki jamoa o'rtasidagi farq katta emas.

- Bugun jamoangiz g'alaba qozondi. Bu bilan OCHLdagi yurish boshlandi deb ayta olasizmi? (qatarlik jurnalist savoli)
- Biz uchun OCHL birinchi o'yinda boshlagan. Bugun esa gol urib g'alaba qozona oldik.

- Arab futbolidagi simulaciya mentalitetdanmi? (Bobomurod Abdulla)
- Bu sizning mentalitetingizda bo'lsa kerak (ushbu javobni murabbiy aytar ekan, asabi buzilganidan xayrlashmay jahl bilan zaldan chiqib ketdi).