Muzaffar Abdullaev: “Rahbariyat barcha muammolarni xal qilib bermoqda”

Bahsda farg'onaliklar yirik (4:1) hisobida zafar quchishdi.

“Bugun qishki yig'indagi ilk nazorat uchrashuvimizni o'tkazdik. Birinchi o'rtoqlik o'yini bo'lgani uchun jamoadoshlarim bilan bir-birimizni tushunib o'ynashda biroz muammolar bo'ldi. Jamoaga yangi futbolchilar kelgan. Sekin-asta ular bilan yaxshi chiqishib ketyapmiz.

O'yindagi barcha kamchiliklarni mavsumgacha bartaraf etishga harakat qilamiz. Hozircha jamoa bilan shartnoma tuzganim yo'q, lekin rahbariyat bilan  og'zagi kelishib oldim. Moliyaviy muammolar aksariyat klublarda bor. Klub xodimlari bizdagi moliyaviy muammolarni sekin-asta hisob-kitob qilmoqda. Bizni shundaylikcha tashlab qo'ygani yo'q. Barcha muammolarni xal qilib bermoqda. Menga vodiy klublaridan takliflar bo'ldi, lekin “So'g'diyona” bilan og'izaki kelishuvga erishdim. Yaqin kunlarda yangi shartnomaga imzo chekaman”, - deydi “So'g'diyona” klubi darvozaboni Muzaffar Abdullaev.

Jahongir Sotvoldiev