Muxtor Qurbonov Turkmaniston bilan o'yin va terma jamoamizning raqobatga muhtoj chizig'i haqida fikr bildirdi
16 noy 2023 17:34
Yangiliklar

Muxtor Qurbonov Turkmaniston bilan o'yin va terma jamoamizning raqobatga muhtoj chizig'i haqida fikr bildirdi

Teglar : Muxtor Qurbonov O'zbekiston MTJ

OKMK jamoasi rahbariyatida faoliyat yuritayotgan, o'z vaqtida terma jamoamiz libosida bir nechta uchrashuv o'tkazgan Muxtor Qurbonov Turkmaniston va Eron bilan o'yinlar, terma jamoamizning bugungi kuni va raqobat kerak bo'lgan poziciyalari haqida gapirdi.

Turkmenistan

Meylis Durdyyew - 44'

World Cup Qualification AFC 2nd Round Grp. E . 1-tur

16/11/2023, 19:00

Tugadi

Uzbekistan

Otabek Shukurov - 57', Otabek Shukurov - 77', Eldor Shomurodov - 90'

Stadion: 19500 tomoshabin

45'

90'

Match-senterda ochish

- Avvalgi va hozirgi futbolni solishtirish qiyiin. Ikki davr o'rtasida taktik tomonlarda farq bor, deb o'ylayman. Biz to'p tepgan paytda mahoratli va kuchli driblingga ega futbolchilar ko'p edi, deya olaman. Har bir klubda 5-6 nafar futbolchi ajralib turar edi. Hozirda poziciyasiga qarab barchasi bir xil. Terma jamoamiz bugungi kunda yaxshi shakllanib ulgurdi. Falsafa o'zgardi. Murabbiy imzosi ko'rinib turibdi. O'yinni borishi ko'proq etakchilarga bog'liq. Ahamiyat bergan bo'lsangiz murabbiy o'rtoqlik uchrashuvlarida ko'proq himoyaga etibor berdi. Futbolchilarning potencialini tekshirib oldi. Nimalarga qodirligidan xabari bor. Futbolda himoya mustahkam bo'lsa, hujumga qo'rqmasdan o'tsangiz bo'ladi. Fikrimcha, ichki chempionatimizda ko'p jamoalar to'pni olib qo'yish, tez qaror chiqarishda oqsashmoqda. Jahon chempionatiga chiqish uchun bir qadam qoladi. Mana endi ham mundialga chiqishimiz kerak.

- Turkmaniston bilan ikki xil saviyadagi jamoalar to'qnash keladi. Taktik va jismonan tayyor bo'lgan jamoalar futbolda yutmoqda. Turkmaniston ham anoyilardan emas. Mensimaslik yomon oqibatlarga olib kelishi mumkin. Har bir raqibga jiddiy qarash lozim. O'sha Hindiston, Tayvan, Tailand kabi jamoalar ham futbol o'ynashni o'rgandi.

- Havotirli tomoni, Turkmaniston bilan suniy maydonda o'ynashimiz. Maydon talabga javob bermasligi natijasida kerak bo'lmagan jarohatlar yuz berishidan havotirdaman. Ikkala o'yinda ham ijobiy natija qayd etishimizga ishonaman.

- Menimcha, himoyamizda ozgina muammoyimiz bor. Hujumga tez o'tishda ham kamchiliklarimiz ko'zga tashlanyapti. So'nggi o'yinlardan kelib chiqib aytganda, darvozabon va gol uradigan hujumi etishib chiqishi qiyin bo'lyapti. Katanecga ishonch bildirildi. 2 yil bu etarlicha vaqt, deb o'ylayman. Uchinchi yil qilingan ishlar samarasini ko'ramiz, degan umiddaman.