Murod Ismoilov: "Bugungi o'yin uchun shogirdlarimga minnatdorchilik bildiraman"

“Avvalambor 27 iyun - Xalqaro OAV kuni munosabati bilan barchalaringni chin qalbimdan tabriklayman",- deb gap boshladi Murod Ismoilov.

Endi o'yinning o'ziga keladigan bo'lsak, oxirgi turlarga kelib jamoamizning o'yini qovushishni boshladi. Jamoamiz o'yinchilari yakdillik bilan harakat qilishni boshlashdi. Bugun yigitlar berilgan ko'rsatmalarni imkon qadar bajarishga harakat qilishdi. Oldingi o'yinlarga qanday tayyorgarlik ko'rgan bo'lsak, "Andijon"ga ham shunday tayyorgarlik olib bordik. Turnir jadvalida "Andijon" jamoasi bilan yonma-yon kelayotgandik. SHuning uchun har qanday g'alaba jamoaga o'zgacha ruhiyat olib kirishi aniq edi. Mezbonlardan biz kuchli qarshilikni kutgan edik. Xudo shukurki, biz yaratilgan imkoniyatlardan unumli foydalanib qoldik. Bugungi o'yin uchun shogirdlarimga minnatdorchilik bildiraman.

- Biz birinchi bo'lim davomida to'p oshirishlarda xatolarga yo'l qo'ydik. Tanaffus vaqtida bunday xatolarga yo'l qo'ymaslik zarurligi haqida aytib o'tdim. "Andijon" jamoasi asosan qarshi xujumlarga tayangan holda o'yin olib bordi.

- CHempionat boshlarida jamoamizda ozgina sarosimalik va futbolchilarni bir-birini tushunmaslik holatlari bor edi. O'yindan-o'yinga bu holatlarni bartaraf etishga harakat qildik. Oxirgi to'rtta turdagi jamoam ko'rsatgan o'yindan ko'nglim to'ldi deb ayta olaman. Andijondagi maydon holati yaxshi ekan. Bugun biz to'p uzatishlarda va to'p bilan muomala qilishda biroz xatolarga yo'l qo'ydik. SHunday holatlar ustida ish olib borishimiz kerakligini anglab etdim. Oldinga intilayapmizmi bunday kamchiliklarni bartaraf etishim lozim.

- "Andijon" jamoasi haqida bir nima deyishim qiyin. Oxirgi turlarga kelib jamoada murabbiy almashdi. Hozirda Orif Mamatkazin vaqtinchalik ish olib boryapti. Bu vaqtinchalik holat deb o'ylayman. CHunki karvonni boshchisi bo'lmasa adashib qolishi turgan gap. Lekin jamoa bugun qo'ldan kelgancha harakat qildi deb o'ylayman.


Komiljon Ikromov yozib oldi.